پەیامنێرانی بێسنوور: ئازادیی رۆژنامەڤانی لە جیهاندا گەیشتووەتە نزمترین ئاستی 25 ساڵی رابردوو

 

 

رێکخراوەکە هەڵسەنگاندنی بۆ 180 وڵات کردووە.

 

لە زیاتر لە 70%ـی وڵاتانی جیهاندا، کاری رۆژنامەڤانی بەتەواوی قورس بووە و رۆژنامەڤانان رووبەڕووی گوشار و هەڕەشە دەبنەوە.

 

ئەم ساڵ ژمارەیەکی پێوانەیی لە رۆژنامەڤانان دەستگیرکراون، کوژراون یان بێسەروشوێن کراون، لەوانەش لە رۆژهەڵاتی نێوەڕاست.

 

 

7 پلە چووەتە دواوە. لە ساڵی 2025 لە پلەی 155ـدا بووە، ئەم ساڵ 162یەمینە.

 

راپۆرتەکە دەڵێ، عێراق هێشتا یەکێکە لە مەترسیدارترین وڵاتان بۆ رۆژنامەڤانان و "رۆژنامەڤانان رووبەڕووی هەڕەشەی گرووپە چەکدارەکان و دەسەڵاتداران دەبنەوە و زۆرجار بکوژانی رۆژنامەڤانان سزا نادرێن".

 

 

پلەیەک چوووەتە دواوە و ئەم ساڵ پلەی 177ی گرتووە. 

 

راپۆرتەکە باس لەوە دەکات، ئێران یەکێکە لە "گەورەترین زیندانەکانی جیهان" بۆ رۆژنامەڤانان و "بەردەوامە لە سەرکوتکردنی تووندی" هەر دەنگێکی جیاواز و "سانسۆرێکی زۆر تووندی" خستووەتە سەر ئینتەرنێت و میدیاکان.

 

 

لە دوای نەمانی دەسەڵاتی بەشار ئەسەد و دەستبەکاربوونی حکومەتی راگوزەر، سووریا 36 پلە لە ریزبەندییەکەدا سەرکەوتووە و لە پلەی 177 لە 2025ـەوە بەرزبووەتەوە بۆ 141. 

 

بەڵام هێشتاش راپۆرتەکە دەڵێت، بەهۆی ساڵانێکی زۆر لە شەڕ و دەسەڵاتی تووندی ئەسەد، سووریا لە دۆخێکی خراپدایە. رۆژنامەڤانان تێیدا رووبەڕووی کوشتن، رفاندن و زیندانیکردن دەبنەوە.

 

 

4 پلە پاشەکشەی کردووە و ئێستا ریزی 163یەمینی گرتووە.

 

پەیامنێرانی بێسنوور دەڵێ، سەرەڕای ئەوەی تورکیا خۆی بە وڵاتێکی دیموکراسی پۆلێن دەکات، بەڵام دەسەڵاتداران بەردەوامن لە دەستگیرکردنی رۆژنامەڤانان و داخستنی ئەو میدیایانەی رەخنەیان لێدەگرن، بەتایبەتی بە یاساکانی "دژە تیرۆر."

 

 

1- نەرویج (لە پلەی یەکەمە و باشترینە)

2- دانیمارک

3- سوێد

4- هۆڵەندا

5- فینلاند

6- ئیستۆنیا

7- پۆرتوگال

8- ئایرلاند

9- سویسرا

10- ئەڵمانیا

 

 

171- میانمار

172- چین

173- بەحرێن

174- ڤێتنام

175- تورکمەنستان

176- ئێران

177- سووریا

178- ئەفغانستان

179- ئەریتریا

180- کۆریای باکوور (لە پلەی کۆتاییدایە و خراپترینە لە جیهاندا)