بوومەلەرزەیەک کۆنفرانسی رۆژنامەڤانیی سەرۆکی مەکسیکی راگرت

 

 

رۆژی هەینی 02-01-2026 لە کاتێکدا كلاودیا شەینباوم، سەرۆکی مەکسیک لە شاری مەکسیکۆ قسەی بۆ رۆژنامەڤانان دەکرد، زەنگی ئاگادارکردنەوەی بوومەلەرزە لێیدا.

 

شەینباوم راستەوخۆ قسەکانی بڕی و بە رۆژنامەڤانانی گوت، "ئۆو، زەوییەکە دەلەرێتەوە، با هەموومان بە هێمنی بچینە دەرەوە."

 

بەگوێرەی ئاژانسی نیشتمانیی بوومەلەرزەزانیی مەکسیک، گوڕی بوومەلەرزەکە 6.5 پلە بووە بە پێوەری رێختەر و چەقەکەی نزیک شارۆچکەی (سان مارکۆس) لە ویلایەتی گێرێرۆ لە باشووری وڵاتەکە (نزیک کەناراوەکانی ئەکاپولکۆ) بووە.

 

لە دیمەنەکاندا دەردەکەوێ کە دوای چۆڵکردنی شوێنەکە، هۆڵەکە دەلەرێتەو٣ە و دەنگی دیوارەکان دێت بەر لەوەی پەخشی راستەوخۆکە بوەستێت. تاوەکو ئێستا هیچ زیانێکی گیانی و مادیی گەورە تۆمار نەکراوە.