نەوەی زێدی ماداگاسکار داوای دەستلەکارکێشانەوەی سەرۆکی وڵات دەکەن

 

خۆپێشاندانەکانی نەوەی زێدی ماداگاسکار لە 25ی ئەیلوولەوە دەستیپێکردووە، سەرەتا داوای خزمەتگوزارییان دەکرد، بەڵام ئێستا داواکەیان بەرەو رووی سەرۆکی وڵاتەکە گۆڕاوە.

 

جولیۆ راکۆتۆئاریڤێلۆ، خۆپێشاندەرە، دەڵێت: "بەڵێ، ئێمە دەیبینین ماداگاسکار 16 ساڵە بەجێهێڵراوە و هیچ شتێک نەکراوە. داواکارییەکانی ئێمە، بە تەنیا بەس نین بۆ رووخاندنی ئەم حکومەتە کە هێشتا دەتوانرێت بەهێز بکرێت. دەبێت حکومەت و تیمەکەی دەستبەجێ دووربخرێنەوە. ئەمە ئەو شتەیە کە هەموو گەلی مالاگاسی داوای دەکەن." 

 

لە گوتارێکی تەلەڤزیۆنیدا راجوالینا، سەرۆکی ماداگاسکار داوای لێبووردنی کرد، بەڵێنی دا داواکاریی خۆپێشاندەران جێبەجێ بکات و کەناڵی گفتوگۆیان لەگەڵ بکاتەوە.

بەڵام ئەوە تووڕەیی گەنجانی دانەمرکاندەوە.  

 

جین، خۆپیشاندەرێکی دیکەیە، دەڵێت: "ئێمە پشتگیری لە خەباتی نەوەی Z دەکەین، ئێمە نەوەی Yین، ئەوەی لە ئێوە هەڵەیە لە ئێمەش هەڵەیە، ئەمە حکومەت نییە کە لەناودەبرێت، بەڵکو تەواوی سیستمەکەیە."

 

بەپێی داتاکانی بانکی جیهانی ساڵی 2022 نزیکەی نزیکەی 75%ی دانیشتووانی وڵاتەکە، کە ژمارەیان 30 ملیۆن کەسە، لە ژێر هێڵی هەژاریدا بوون.

 

نەتەوە یەکگرتووەکانیش دەڵێت لەم خۆپێشاندانانە دا 22 کەس گیانیان لەدەستداوە و زیاتر لە 100 کەسیش بریندار بوون.