کۆمپانیای تێسلا پیکاپی گولـلەنەبڕی کارەبایی خستە بازاڕەوە

 

 

ئیلۆن مەسک، بەڕێوەبەری جێبەجێکاری تێسلا دەڵێت، "ئۆتۆمبێلێکمان لێرە هەیە کە شارەزایان دەیانگوت ناکرێت دروستبکرێت؛ ئەوان دەیانگوت کەس ناتوانێت ئۆتۆمبێلی وەها دروستبکات. ئەمە بە دروستی باشترین بەرهەمی ئێمەیە. تایبەتترین ئۆتۆمبێلی رێگەکانە."

 

پیکاپی سایبەرتراک لە پۆڵایەک دروستکراوە کە پێشتر بەکارنەهێندراوە؛ نرخەکەی لە 49 هەزار دۆلارەوە دەستپێدەکات و بەپێی هێزی بزوێنەرەکەی تاوەکو 96 هەزار دۆلار بەرزدەبێتەوە.

 

ئۆتۆمبێلە کارەباییەکان لەبەر ئەوەی بە بزوێنەری ئاسایی کار ناکەن، لەکاتی لێخوڕین بێدەنگن.

 

ئیلۆن مەسک دەڵێت، "یەکێک لەو تایبەتمەندییانەی لەکاتی لێخوڕینی ئۆتۆمبێلدا بەدوایدا دەگەڕێیت، نەرمی و بێدەنگییەتی. ئەم پیکاپە بەڕاستی وەکو پیکاپی دیکە نییە. زۆر نەرمە و لەکاتی لێخوڕیندا دەنگی لێوەنایەت."

 

کۆمپانیای تێسلا رایگەیاندووە، تاوەکو ساڵی 2025 نزیکەی 250 هەزار لە پیکاپی سایبەرتراک دروستدەکات و دەیانخاتە بازاڕەوە.