رووداو رۆژێکی دیکەی مێژوویی بۆ رۆژنامەڤانیی کوردستان تۆمار دەکات

 

 

رۆژی سێشەممە، 02-12-2025 دیار کوردە، پەیامنێر و بەرپرسی نووسینگەی رووداو لە واشنتن رایگەیاند، دەرفەتی ئەوەیان پێدراوە کە بەشداریی لە کۆبوونەوەی حکومەتی ئەمریکا بکەن و سەرۆکە وڵاتەکەش ئامادەی دەبێت.

 

دیار کوردە لەبارەی بەشداریکردنی لە کۆبوونەوەکە گوتی: یەکەمینجارە رۆژنامەڤانێکی کورد، تەنانەت لە رۆژهەڵاتی نێوەڕاستیش رۆژنامەڤانێک لەو کۆبوونەوەیە بەشدار بێت." 

 

دیار کوردە باسی لەوەش کرد کە دەیەوێت پرسیاری هێرشەکانی ئەمدواییانەی سەر کێڵگەی کۆرمۆر و دابینکردنی سیستمی دژەمووشەک لەلایەن ئەمریکاوە بۆ هەرێمی کوردستان راستەوخۆ لە دۆناڵد ترەمپ بکات، وەڵامەکەی وەربگرێت.

 

"ئەگەر دەفەت هەبێت، پرسیار لەبارەی [دۆخی] رۆژئاوای کوردستان و عێراق لە دۆناڵد ترەمپ دەکەم." دیار کوردە، بەرپرسی نووسینگەی رووداو لە واشنتن وای گوت.