کەسێک لە فینلاند بە چەقۆ هێرشی کردە سەر خەڵک

 

 

رۆژی پێنجشەممە 03-07-2025 لە مۆڵی (راتینا) لە شاری تامپێرێی نێوەڕاستی فینلاند، کەسێک بە چەقۆ هێرشی کرد و چەند کەسێکی بریندارکرد. 

 

پۆلیسی شارەکە گەیشتە شوێنی رووداوەکە و هێرشکارەکەیان دەستگیرکرد. تیمەکانی فریاگوزاریش هەر لەوێ چارەسەری سەرەتاییان بۆ کۆمەڵێک بریندار کرد و دواتر بۆ نەخۆشخانەیان گواستنەوە. 

 

گوتەبێژێكی پۆلیسی شارەکە گوتی: "دۆخەکە ئێستا ئارامە و هیچ مەترسییەک لەسەر ژیانی خەڵک نەماوە."

 

پۆلیس دەڵێت، لێکۆڵینەوە دەستیپێکردووە و تاوەکو ئێستا ناتوانن هیچ زانیارییەک لەبارەی ژمارەی برینداران، رەچەڵەکی هێرشکارەکە و پاڵنەری رووداوەکە بدەن.