بەهۆی پێکدادانی دوو شەمەندەفەر لە ئیندۆنیزیا چوار کەس گیانیان لەدەستدا

 

رۆژی هەینی 5ـی کانوونی دووەمی 2024، ئادیتا ئیراواتی، گوتەبێژی وەزارەتی گواستنەوەی ئیندۆنیزیا رایگەیاند، دوو شەمەندەفەرەکە کاژێر 6:03ـی بەیانی بەکاتی ئیندۆنیزیا [کاژێر 2:03 خولەکی بەیانی بەکاتی هەولێر] لە نزیک پارێزگەی جاوای رۆژهەڵات روویداوە.

 

زیاتر لە 500 سەرنشین لەنێو شەمەندەفەرەکەدا بوون و زیاتر 28 کەسی دیکەش بریندار بوون. 

 

تائێستا بەرپرسانی ئیندۆنیزیا هۆکاری رووداوەکەیان ئاشکرا نەکردووە و رایانگەیاندووە لێکۆڵینەوەکان لەوبارەیەوە بەردەوامن. 

 

ئیبراهیم تۆمبۆ، گوتەبێژی پۆلیسی ئیندۆنیزیا رایگەیاند، هەموو سەرنشینەکانی شەمەندەفەرەکە گواستراونەتەوە بۆ نەخۆشخانەکانی ناوچەکە و تیمەکانیان تاوەکو ئێستا سەرقاڵی دۆزینەوەی تەرمەکانن. 

 

لە تشرینی دووەمی ساڵی رابردوو، شەمەندەفەرێک و پاسێک لە پارێزگەی جاوای رۆژهەڵات خۆیان بەیەکدا کێشا و بەوهۆیەوە 11 کەس گیانیان لەدەستدا و چەند کەسێکی دیکەش بریندار بوون.