مارکۆ روبیۆ، وەزیری دەرەوەی ئەمریکا، ئەم هەفتەیە سەردانی رۆما و ڤاتیکان دەکات. ئەمەش دوای چەند هەفتەیەک دێت لە رەخنە تووندەکانی دۆناڵد ترەمپ، سەرۆکی ئەمریکا لە پاپا لیۆی چواردەیەم.
عەلیئەکبەر ویلایەتی، راوێژکاری رێبەری باڵای ئێران بۆ کاروباری نێودەوڵەتی، هێرشی تووند دەکاتە سەر دۆناڵد ترهمپ و رەفتارەکانی بە "سەرەڕۆیی" وەسف دەکات. رایدەگەیێنێت، تێکشکانی خەیاڵەکانی کۆشکی سپی دەستیپێکردووە.
میدیای فەرمیی ئێران دەڵێ، تاران لە رێگەی پاکستانەوە پێشنیازێکی نوێی بۆ دانوستاندن لەگەڵ ئەمریکا پێشکێش کردووە، ئەوەش وەک هەوڵێک بۆ تێپەڕاندنی ئەو چەقبەستووییەی لە گفتوگۆکانی نێوان هەردوو وڵات دروستبووە.
دوای پێنج دەیەی پڕ لە ململانێ، ستراتیژییەکانی ئێران بۆ بەرەنگاربوونەوەی گوشارەکانی ئەمریکا سنووردار بوون. گەمارۆ دەریاییەکەی واشنتن، تارانی ناچار کردووە بەدوای رێگەیەکدا بگەڕێ بۆ نەهێشتنی ئەو سنووردارکردنە، پێش ئەوەی ئابوورییەکەی بە تەواوی هەرەس بهێنێت.
سوپای ئیسرائیل رایگەیاند، ئەفسەرێکی بە پلەی رائید بە تۆمەتی قاچاخچێتیی کەلوپەلی قەدەخەکراو بۆ ناو کەرتی غەززە و بردنی هاووڵاتییەکی سڤیل بۆ ناوچەی شەڕ، تۆمەتبار کراوە.
ئەمریکا داوا لە چەند وڵاتێک دەکات بچنە ناو هاوپەیمانییەکی نوێی نێودەوڵەتییەوە بۆ پاراستنی ئاسایشی کەشتیوانی لە تەنگەی هورمز؛ ئەمەش دوای ئەوەی لە ماوەی رابردوودا بەهۆی گرژییەکانەوە ئاستەنگ بۆ هاتووچۆی کەشتییەکان لەو رێڕەوە ئاوییە گرنگەدا دروستبوو.
رێکخراوی پەیامنێرانی بێسنوور هۆشداری دەدات کە ئازادیی رۆژنامەڤانی لە جیهاندا بۆ نزمترین ئاستی خۆی لە ماوەی چارەکە سەدەیەکدا دابەزیوە. رێکخراوەکە هێرشە "سیستەماتیکەکانی" دۆناڵد ترەمپ بۆ سەر میدیاکان و لە سێدارەدانی رۆژنامەڤانێک لە سعودیە وەک نموونەی پێشێلکارییەکان دەهێنێتەوە.
دۆناڵد ترەمپ، سەرۆکی ئەمریکا رایگەیاند، واشنتن تاوتوێی کەمکردنەوەی ژمارەی سەربازەکانی لە ئەڵمانیا دەکات. ئەمەش وەک کاردانەوەیەک بەرامبەر هەڵوێستەکانی فرێدریش مێرتس، راوێژکاری ئەڵمانیا سەبارەت بە شەڕی ئێران.
جەیمس کۆمی، بەڕێوەبەری پێشووی نووسینگەی لێکۆڵینەوەی فیدراڵیی ئەمریکا (FBI)، رۆژی چوارشەممە چووە بەردەم دادگە؛ ئەمەش دوای ئەوەی تۆمەتی هەڕەشەی کوشتنی دۆناڵد ترەمپ، سەرۆکی ئەمریکای ئاراستە کرا.
فەرماندەیی ناوەندیی هێزەکانی ئەمریکا (سێنتکۆم) رایگەیاند، هێزەکانی وڵاتەکەی رۆژی سێشەممە لە دەریای عەرەب چوونە سەر کەشتییەکی بازرگانی کە گومانی ئەوەی لێدەکرا بیەوێ بچێتە بەندەرە گەمارۆدراوەکانی ئێران.
