فیلێک لە تایلەند دووکانێک تاڵان دەکات
رووداو دیجیتاڵ
فیلێک لە باکووری رۆژهەڵاتی تایلەند چووە نێو فرۆشگەیەک و چەندین پاکەت بیسکویت و بڕێکی زۆر برنجی خوارد.
گرتە ڤیدیۆیەکی فیلێک لە تۆڕە کۆمەڵایەتییەکان بڵاوبووەتەوە، تێیدا بە هێواشی دەچێتە نێو فرۆشگەیەکی بچووک و دەست بە خواردنی شتەکانی نێوی دەکات.
فرۆشگەکە دەکەوێتە ناوچەی پاک جۆنگ، کە نزیکەی سێ کاژێر لە بانگکۆکی پایتەختەوە دوورە.
وەکو لە گرتە ڤیدیۆییەکەدا دەردەکەوێت، فیلەکە بۆ 10 خولەک لەنێو فرۆشگەکە دەمێنێتەوە، بیسکویت و شیرینی و برنج دەخوات.