یەکێتیی ئەورووپا رێنوێنیی نوێی بۆ پەناخوازانی رۆژئاوای کوردستان دەرکرد

 

یەکێک لەو خاڵانەی جێی سەرنجە لەنێو رێنوێنییەکان، ئەوەیە کە ئەو کەسانەی، وەکو یەکێتییەکە دەڵێت، لەدەست "هێزە کوردییەکان" هەڵاتوون، یان دەتوانن بیسەلمێنن کە بەرهەڵەستکاری هێزەکانی سووریای دیموکرات یان یەپەگە بوون و هەڕەشەیان لەسەرە، دەتوانن مافی پەنابەری وەربگرن.

 

هەروەها، ئەگەر کەسێک مەترسیی ئەوەی لەسەر بێت کە لەلایەن ئەو هێزانەوە منداڵەکەی بەزۆر چەکدار بکرێت، دەکرێت مافی مانەوەی پێبدرێت. رێنوێنییەکان جەخت لەوەش دەکەنەوە، پێویستە هەڵسەنگاندنی تایبەت بۆ کەیسی رۆژنامەڤانان، ژنان و منداڵان بکرێت و داواکارییەکانیان بە شێوەی ئۆتۆماتیکی رەتنەکرێنەوە.