سامسۆنگ زانیاریێن تهكنلۆژى یێن كۆمپانیا LG دزیت
رووداو- هەولێر
پۆلیسێن كۆریا باشوور بو ماوێ حهفتیهكێ یه ڤهكولینێ و لێگهریانا ههمى نڤیسینگههێن ئهلكترۆنى یێن كومپانیا سامسۆنگێ ل باژێرێ ئهسان خلال دكهن, كومپانیا LG سكاڵایهك دژى كومپانیا سامسۆنگ تۆماركریه ب مهرهما دزینا چهند دكیومنتێن نهێنى گرێداى ب تهكنیكا OLED ڤه، و تا ئهڤرۆ ژى پۆلیسان چ ئهنجامێن ڤهكولینان رانهگههاندینه.
كومپانیا LG، ههڤركا خوه سامسۆنگێ گونههباردكهت ب دزینا هندهك ژ دكیۆمێنتێن تهكنیكا نوى یا OLED، دههمان دهمدا ئێك ژ ئاخفتنكهرێن كومپانیا سامسۆنگ ژى ڤان توهمهتێن LG رهتدكهت و دبێژیتن (سامسۆنگێ بخوه باشترین تهكنیكا OLED یا ههى و پێدڤى ب دزینا دیكیۆمێتێن LG ناكهت ).
ئهڤ كێشهیه لدهمهكیدایه پار ساڵ كومپانیا سامسۆنگێ سكاڵایهك دژى شهش ژ كارمهندێن LG كربوو ب دزینا هندهك ژ داهێنانێن تهكنلوژى یێن وێ .
ههر ئێك ژ سامسۆنگ و LG بهردهوام خوه دهردێخن و دبێژنه بكرێ خوه بتنێ ئهمن دبوارێ تهكنلوژێدا داهێنانێن نوى دكهین.
راپورت : دلێر تێلى