ئەڵمانیا مووچەی سۆسیال بە پەنابەرانی وڵاتەکەی کەم دەکاتەوە

 

 

بەپێی ئەو داتایانەی فەرمانگەی فیدراڵیی ئامار لە ئەڵمانیا بڵاوی کردوونەتەوە، زۆرتر لە نیو ملیۆن کەس وەکو پەنابەر مووچەی سۆسیال وەردەگرن، کە زۆربەی ئەوانەش خەڵکی تورکیا، سووریا، عێراق و ئەفغانستانن.

 

هەر کەسێک کە مافی وەرگرتنی یارمەتییەکەی هەبێت، مانگانە 460 یۆرۆ وەردەگرێت؛ ژن و مێرد 826 یۆرۆ وەردەگرن و ئەگەر ماڵباتێک سێ منداڵی هەبێت مانگانە 1903 یۆرۆی دەدرێتێ.

 

کریستیان لیندنەر، وەزیری دارایی ئەڵمانیا رایگەیاندووە، مووچەکان کەم دەکرێنەوە؛ چەندەش کەم دەبێتەوە، پەیوەندیی بە دۆخی ژیان و پێویستییەکانی کەسی پەنابەر هەیە و کەیسەکان لەیەک جیاواز دەبن.