کوڕێکی ئەسەد بۆ یەکەمجار دوای رووخانی رژێمەکەی باوکی دەردەکەوێتەوە
رووداو دیجیتاڵ
بۆ یەکەمجار دوای رووخانی باوکی، حافز بەشار ئەسەد لە ڤیدیۆیەکدا دەرکەوتەوە.
لە ڤیدیۆکەدا کە 12ی ئەم مانگە بڵاوکراوەتەوە، دەردەکەوێت حافز بە شەقامێکی مۆسکۆی پایتەختدا دەڕوات.
ڤیدیۆکە تەنیا 9 چرکەیە. تێیدا پشتڕاستیدەکاتەوە کە دوو هەژماری لە تۆڕەکانی تەلەگرام و ئێکس هەن.
حافز دەڵێت: "پرسیار دەکرێت کە ئایا ئەو دوو هەژمارەی لە ئێکس و تەلەگرام هەن هەژماری منن یان نا؟ ویستم روونیبکەمەوە. بەڵێ، هەردووکی هی منن و جگە لەوانە هیچ هەژمارێکم لەسەر هیچ تۆڕێک نییە."
ڤیدیۆ؛ بۆ یەکەم جار لە پاش رووخانی رژێمەکەی باوکی، کوڕێکی بەشار ئەسەد بە ڤیدیۆ قسە دەکات و وا دیارە لە شەقامێکی رووسیا بێت.
— Rudaw (@Rudawkurdish) February 13, 2025
پاش ئەم ڤیدیۆیە هەژمارەکەی لە ئێکس بلۆک کرا. pic.twitter.com/JXx6ATZnOh
هەژمارێک لە تەلەگرام بڵاوبووەتەوە کە دەگوترێت هەژماری حافزە. تێیدا باس لە دوا کاژێرەکانی پێش رووخانی دەسەڵاتی باوکی دەکات.
ئەو ڤیدیۆیە لە هەردوو هەژمارەکەوە بڵاوکراوەتەوە.
دەسەڵاتی بنەماڵەی ئەسەد، دوای زیاتر لە نیو سەدە، رۆژی 8ی کانوونی یەکەمی 2024، رووخا.