پێنتاگۆن: ژمارەی بریندارەکانی ئەمریکا لە جەنگی ئێران گەیشتە 400 سەرباز

 

رۆژی چوارشەممە 22-04-2026 پێنتاگۆن رایگەیاند، زۆرینەی بریندارەکان سەر بە هێزی وشکانین. 

 

پێنتاگۆن رایگەیاند: "271 بریندار لە هێزی وشکانی. 64 بریندار لە هێزی دەریایی. 46 بریندار لە هێزی ئاسمانی و 19 بریندار لە هێزی مارێنز هەن."

 

سەرەڕای بەرزبوونەوەی ژمارەی بریندارەکان، وەزارەتی جەنگ رایگەیاند، ژمارەی کوژراوانی ئەمریکا لە ئۆپەراسیۆنی تووڕەیی داستانئاسا هێشتا وەک خۆیەتی و تاوەکو ئێستا 13 سەرباز لەم جەنگەدا کوژراون.

 

ئەم ئامارانە لە کاتێکدا بڵاودەکرێنەوە، ئاگربەستە 14 رۆژییەکەی نێوان واشنتن و تاران کۆتایی هات و ترەمپ دووبارە درێژی کردەوە. ئەمریکا گەمارۆیەکی تووندی دەریایی خستووەتە سەر بەندەرەکانی ئێران، کە بووەتە هۆی دروستبوونی پشێوییەکی گەورەی ئابووری.