وەزارەتی ناوخۆی ئەڵمانیا بۆ رووداو: ئەم ساڵ 2,132 سووریایی گەڕاونەتەوە وڵاتەکەیان

 

گوتەبێژێک بە ناوی وەزارەتی ناوخۆی ئەڵمانیا لە وەڵامی ئیمەیڵێکی کەهی مەحموود، ئیدیتۆری دێسکی نێودەوڵەتی تۆڕی میدیایی رووداو باسی پلانی وڵاتەکەی بۆ گەڕانەوەی هاونیشتمانییانی رۆژئاوای کوردستان و هاووڵاتییانی سووریا بۆ زێدی خۆیان دەکات و ئاماژە بەوە دەکات، هەر خێزانێک بگەڕێتەوە وڵاتەکەی خۆی، یان وڵاتی سێیەم کە قبوڵیان بکات، هاوکاریی مادیی دەکەن.

 

گوتەبێژەکەی وەزارەتی ناوخۆی ئەڵمانیا گوتی، لە سەرەتای ئەم ساڵەوە تاوەکو 15ـی ئەیلوول، 4 هەزار و 424 کەس داوای گەڕانەوەی خۆویستانەیان بۆ سووریا کردووە، بەڵام بە گوێرەی ئەوەی نەتەوە تۆمار ناکرێت لە سیستمیاندا، نازاندرێت چەندیان هاونیشتمانی رۆژئاوای کوردستانن.

 

هاوکاریکردنی گەڕانەوەی خۆویستانە لە ئەڵمانیاوە بۆ سووریا، لە چوارچێوەی پرۆگرامی فیدراڵی و هەرێمیی REAG/GARP 2.0ـی ئەو وڵاتەدایە بۆ گەڕانەوەی کۆچبەران، کە لە 13ـی مانگی یەکی ئەم ساڵەوە سووریا لەو پرۆگرامەدا قبوڵکراوە.

 

 

 

وەزارەتی ناوخۆی ئەڵمانیا: نەتەوە لە چوارچێوەی پڕۆگرامەکەدا تۆمار ناکرێت. سووریا لە رۆژی 13ـی کانوونی دووەمی 2025 لە پڕۆگرامی فیدراڵی و ویلایەتەکانی REAG/GARP 2.0 بۆ پشتگیریکردنی دەرچوونی خۆبەخشانە قبووڵ کرا. تاوەکو 15ـی ئەیلوولی 2025، لە دامەزراوەی فیدراڵی کۆچبەر و پەنابەران، کە پڕۆگرامەکە جێبەجێ دەکات 4 هەزار و 452 کەس خۆیان تۆمار کردووە بۆ گەڕانەوە. پێشتریش لە هەمان سیستمدا 2 هەزار و 132 کەسیان گەڕاونەتەوە سووریا.

 

 

وەزارەتی ناوخۆی ئەڵمانیا: ئەمە پڕۆگرامێکی بێسنوورە بۆ گەڕانەوەی خۆبەخشانە بۆ زۆر لە وڵاتانی بنەڕەت، واتە تەنیا  سووریا دروست نەکراوە، پڕۆگرامێکی گەڕانەوەی ستانداردکراوە کە زیاتر لە 40 ساڵ لەمەوبەر دامەزراوە، کە تێیدا حکومەتی فیدراڵی و هەرێمی پشتگیریی دارایی دەدەنە کۆچبەرە کەمدەرامەتەکان کە بە خۆبەخشانە دەگەڕێنەوە وڵاتەکەی خۆیان، یان کۆچ دەکەن بۆ وڵاتێکی سێیەم کە ئامادەیە قبووڵیان بکات.

 

 

وەزارەتی ناوخۆی ئەڵمانیا: لە چوارچێوەی پڕۆگرامەکەدا لەم بارەیەوە زانیاری نییە. پرۆگرامی REAG/GARP تەنیا یەک جار پشتگیریی دەرچوونی خۆبەخشانەی درێژخایەن دەکات.

 

 

وەزارەتی ناوخۆی ئەڵمانیا: ناوچە ئامانجدارەکان لە چوارچێوەی REAG/GARPدا تۆمار ناکرێن.