ئەپێکی چینی جێگە بە ChatGPT چۆڵ دەکات

 

دیپ سیک لە کۆتاییەکانی ساڵی 2023 پەرەی پێدراوە و رۆژی 20-01-2025 چالاککرا، بەڵام بەهۆی رێوڕەسمی سوێندخواردنی دۆناڵد ترەمپ، سەرۆکی ئەمریکاوە، سەرنجێکی زۆری لەسەر نەبوو. 

 

کۆمپانیای دیپ سیک دەڵێت، تێچووی دروستکردن و پەرەپێدانی 5.6 ملیۆن دۆلاری تێچووە، بە پێچەوانەی ئەو ملیاران دۆلارانەی کۆمپانیا ئەمریکییەکان خەرجیان کردووە.

 

هەرچەندە ئەمریکا ناردنی نیمچە گەیەنەرەکان [چیپ]ـی ژیری دەستکردی سنووردار کردبوو، بەڵام ئەوە نەبووە بەربەست لەبەردەم دیپ سیک.

 

دوای ئەوەی وێبسایت و ئەپەکە دەبێتە رۆژەڤی ئینتەرنێت و ملیۆنان جار داونلۆد دەکرێت، پێنوێنی کۆمپانیاکان لە بازاڕە ئەمریکییەکان، بەتایبەت ئەوانەی لە کەرتی تەکنەلۆژیا کار دەکەن، دابەزینیان بەخۆیەوە بینی.

 

بۆرسەی S&P 500 بە بڕی 1.4٪ دابەزی، بۆرسەی Nasdaq 2.3٪ و NVIDIA 12٪ دابەزی.

 

هەفتەی پێشوو، کۆمپانیای مێتا کە خاوەنی فەیسبووک، ئینستاگرام و واتسئاپە، رایگەیاند، لە ساڵی 2025 بڕی 65 ملیار دۆلار لە ژیریی دەستکرد خەرج دەکەن.

 

سام ئاڵتمان، بەڕێوەبەری جێبەجێکاریی کۆمپانیای Open AI کە خاوەنی چات جی پی تییە، رایگەیاند، ژیریی دەستکرد تریلیۆنان دۆلاری پێویستە.