رووسیا عێراقییەکان بۆ شەڕی ئۆکراینا پەلکێش دەکات

 

 

رووسیا دەیەوێت ریزی هێزەکانی نوێ بکاتەوە، دوای نزیکەی چوار ساڵ لە جەنگ، بێ ئەوەی پەنا بباتە بەر "چەکهەڵگرتنی گشتی" کە خەڵک حەزی پێ ناکەن.

 

 

هەندێک لە سەربازەکان لە دەرەوەی رووسیاوە دەڕۆن. دوای رێککەوتنەکەی 2024، کۆریای باکوور هەزاران سەربازی نارد بۆ یارمەتیدانی رووسیا. بەڵام خەڵکی وڵاتانی وەک هیندستان، نیپاڵ و بەنگلادش دەڵێن ئەوان هەڵخەڵەتێنراون؛ بەڵێنی کاریان پێ دراوە بەڵام ناچارکراون گرێبەستی سەربازی واژۆ بکەن.

 

 

5000 عێراقی: بەرپرسانی عێراق دەڵێن نزیکەی 5 هەزار هاووڵاتیی عێراقی پەیوەندییان بە سوپای رووسیاوە کردووە.

 

- شەڕکردن بۆ ئۆکراینا: ژمارەیەکی دیارینەکراویش لە عێراقییەکان لە بەرەی بەرامبەردا شانبەشانی هێزەکانی ئۆکراینا شەڕ دەکەن.

 

- تۆڕی قاچاخچییەکان: حکومەتی عێراق لە بەغدا هەڵمەتی دژی ئەو تۆڕانە دەستپێکردووە کە خەڵک دەبەن؛ پار کەسێک بە تۆمەتی بازرگانیکردن بە مرۆڤەوە سزای زیندانی تاهەتایی بەسەردا سەپێندرا.

 

- قوربانییەکان: ژمارەیەکی نادیار لە عێراقییەکان لە کاتی شەڕدا لە ئۆکراینا کوژراون یان بێسەروشوێن بوون.

 

- هۆکارەکان: هەندێک خێزان دەڵێن کەسوکاریان بە درۆ و فێڵ بۆ رووسیا پەلکێشکراون و دواتر بەزۆر کراونەتە سەرباز. بەڵام لە هەندێ جاری دیکە، عێراقییەکان بە ویستی خۆیان و لەبەر مووچە و وەرگرتنی وەڵاتینامەی رووسی چوونەتە ئەوێ.

 

 

- ژمارەی سەربازانی رووسیا: ڤلادیمیر پووتین، سەرۆکی رووسیا رایگەیاندووە کە 700 هەزار سەربازی رووسی لە ئۆکراینا شەڕ دەکەن (ئەمە هەمان ژمارەی ساڵی 2024ـە و کەمێک زیاترە لەو 617 هەزار سەربازەی ساڵی 2023 لە ئۆکراینا شەڕیان دەکرد.)

 

- قوربانییانی رووسیا: وەزارەتی بەرگریی بەریتانیا دەڵێت رەنگە زیاتر لە یەک ملیۆن سەربازی رووسی کوژرابن یان بریندار بووبن.

 

- کوژراوە ناسراوەکان: ماڵپەڕی میدیازۆنا و بی بی سی توانیویانە ناوی زیاتر لە 160 هەزار سەربازی کوژراو بە بەڵگەوە کۆبکەنەوە، کە زیاتر لە 550 کەسیان خەڵکی بیانی بوون لە زیاتر لە 20 وڵاتی جیاوازەوە.

 

 

- لە ناوچەیەکی وەک خانتی-مانسی لە نێوەڕاستی رووسیا، هەر کەسێک گرێبەست بکات نزیکەی 50 هەزار دۆلار وەک پاداشت وەردەگرێت.

 

- ئەم بڕە دوو هێندەی داهاتی ساڵانەی خەڵکی ئەو ناوچەیەیە کە مووچەی مانگانەیان نزیکەی هەزار و 600 دۆلارە.

 

- لێخۆشبوون لە باج و قەرز بەشێکی دیکەیە لە پاداشتەکان.

 

 

 

- زمانی رووسی نازانن.

 

- ئەزموونی سەربازییان نییە.

 

- فەرماندە رووسەکان وەک "کەرەستەیەک کە گرنگ نین ئەگەر بکوژرێن" سەیریان دەکەن.

 

دەزگایەکی ئۆکراینی دەڵێت زیاتر لە 18 هەزار هاووڵاتیی بیانی لە ریزەکانی رووسیا شەڕیان کردووە، نزیکەی سێ هەزار و 400 کەسیان کوژراون و سەدان کەسیش لەلایەن ئۆکرایناوە بە دیل گیراون.