ژاپۆن مانگێکی دەستکرد بۆ چاودێریکردنی کەشوهەوا دەنێرێتە بۆشایی

 

مانگە دەستکردەکە لە رێگەی مووشەکی (H2A)ـی دروستکراوی وڵاتەکەوە لە بنکەی بۆشایی تانێگاشیما هەڵدرا. 

 

ئەمە 50ـیەمین جار و دوایین جارە ئەم جۆرە مووشەکە بەکاردەهێنرێت. 

 

دوای هەڵدانی ئەمجارەی مووشەکەکە، زنجیرە مووشەکی H2A چیدیکە بەکارناهێنرێت و جۆری پێشکەوتووتری H3 شوێنی دەگرێتەوە کە تێچووی کەمترە. 

 

ئەو مانگە دەستکردەی لە رێگە مووشەکەکەوە نێردرایە ئاسمان، چاودێریی کاربۆن، میسان و گازەکانی دیکە دەکات. 

 

بڕیاربوو چەند رۆژێک لەمەوبەر مانگە دەستکردەکە بنێردرێت، بەڵام بەهۆی گرفتی کارەباییەوە، دواخرابوو.