Peykerê Osman Hewramî li Sine tê danîn

Sine (Rûdaw) - Di merasîmekê de li bajarê Sine yê Rojhilatê Kurdistanê bi amadebûna berprisên hikumî, hunermend û xelkê, rêz li çalakiyên hunerî yên hunermendê naskirî yê Kurd Osman Kêmneyî naskirî bi Osman Hewramî hat girtin.

Di merasîmê de perde li ser peykerê Osman Hewramî hat vedan ku ji aliyê peykersazê navdarê Kurd, Hadî Ziyaedînî ve hatiye çêkirin. Peykerê wî hunermendê Kurd li nav bajarê Sineyê tê danîn.

Osman Hewramî xwdiyê dengekî resen û taybet e û li devera Hewramanê hunermendekî hezkirî û nabdar e.

Piştî 40 salan ji stran gotinê, ew bû 15 sal ku Osman Hewramî ji stran gotinê dûr ketiye.

Osman Hewramî derdora 1 hezar û 700 kasêt tomar kirine û çend berhemên wî yên televizyonê jî hene.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger