رووداو - هەولێر
بەڕێوەبەرایەتی پاسپۆرتی پارێزگای هەولێر ئاگادارییەک بڵاودەکاتەوە و رایدەگەیێنێت " دەوامی بەڕێوەبەرایەتییەکەمان گەڕاوەتەوە دۆخی ئاسیی خۆی، واتە لە کاژێر 8:00 تاوەکو 2:30 خولەکی دوانیوەڕۆ دەبێت".
ساڵح وریا عەسکەری، بەرپرسی راگەیاندنی بەڕێوەبەرایەتی پاسپۆرتی هەولێر لە لێدوانێکدا بە تۆڕی میدیایی رووداوی راگەیاند "هاونیشتمانیانی خۆشەویست ئاگاداردەکەینەوە لە رۆژی چوارشەممە 18-1-2017، دەوامی فەرمی لە بەڕێوەبەرایەتی پاسپۆرتی پارێزگای هەولێر نووسینگەی یەک و نووسینگەی دووی پاسپۆرت، لە کاژێر 8:00ی بەیانی تاوەکو 2:30ی خولەکی نیوەڕۆ دەبێت".
بەگوتەی بەرپرسی راگەیاندنی بەڕێوەبەرایەتی پاسپۆرتی هەولێر "هەفتەی رابردوو، بەهۆی سیستەمێک لە بەغداوە دەوامی بەڕێوەبەرایەتی پاسپۆرتی پارێزگای هەولێر گۆڕانکاریی بەسەردا هاتبوو، بەجۆرێک مامەڵەی هاونیشتمانیان لە کاژێر 1:00ی دوانیوەڕۆ بۆ 7:00 ئێوارەبوو".
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ