سەرۆکوەزیرانی عێراق رایگەیاند، فەرمان دراوە بۆ پێکهێنانی لیژنەیەکی لێکۆڵینەوەی باڵا لەبارەی ئەو هێرشانەی بە درۆن کراونەتە سەر سعودیە و ئیمارات و، بە پێویستى دەزانێت لێکۆڵینەوەی هاوبەش لەگەڵ ئەو دوو وڵاتە هەبێت بۆ خستنەڕووی بەڵگەکان لەبارەی بەکارهێنانی خاکی عێراق لەو هێرشانەدا.

کاردانەوەکانی بڕیاری 36یەمین دادگای هەرێمی لە ئەنقەرە، کە بەهۆیەوە 38یەمین کۆنگرەی جەهەپە هەڵوەشێندرایەوە، بەردەوامن. هەروەها بڕیار درا کەمال کڵچدارئۆغڵو و ئەنجوومەنی پێشووی سەرکردایەتی بگەڕێنەوە سەر ئەرکەکانیان و ئۆزگور ئۆزەل و ئەنجوومەنی ئێستای سەرکردایەتی لەکار لادران.

هێزی دەریایی سوپای پاسدارانی ئێران رایدەگەیێنێت، لە ماوەی 24 کاژێری رابردوودا، 31 کەشتیی جۆراوجۆر، لەوانە نەوتهەڵگر، کەشتیی بارهەڵگر و کەشتیی بازرگانی، بە هاوئاهەنگی و دابینکردنی ئەمنیەت لەلایەن هێزەکانی ئەوانەوە، بە تەنگەی هورمزدا تێپەڕیون.

وەزارەتی بەرگریی سووریا دەڵێ، لە تەقینەوەی ئۆتۆمبێلێکی بۆمبڕێژکراودا لە نزیک یەکێک لە باڵەخانەکانی لە دیمەشق، سەربازێک کوژرا

وەزارەتی گەنجینەی ئەمریکا سزای بەسەر 9 کەسایەتیی سەر بە حیزبوڵڵا و هاوپەیمانەکانیدا سەپاند و تۆمەتباری کردن بەوەی "بەربەست لەبەردەم پڕۆسەی ئاشتی لە لوبنان" دروست دەکەن. هاوکات واشنتن خەڵاتێکی دارایی گەورەی بۆ هەر زانیارییەک تەرخان کرد کە ببێتە هۆی پەکخستنی سەرچاوە داراییەکانی ئەو گرووپە.