رووداو - هەولێر
نەوشیروان مستەفا، رێكخەری گشتیی بزووتنەوەی گۆڕان، لە وەڵامی پەیامی هاوخەمی مام جەلال، سكرتێری گشتیی یەكێتی و سەرۆككۆماری پێشووی عێراقدا بەبۆنەی كۆچی دوایی شوعلە عەلی هاوژینی رایدەگەیێنێ، نامە پڕسۆزەكەتان و هاوخەمیتان لەگەڵمان بەشێكی خەمەكانمانی رەواندینەوە.
لە سوپاسنامەكەیدا نەوشیروان مستەفا دەشڵێت "پرسەنامەكەت پڕبوو لە هەستی دڵسۆزانە و برایانەی هەمیشەیی بەڕێزتان بەرامبەر خوالێخۆشبوو و بنەماڵە و خانەوادەكەمان. لە خوای گەورە داواكارم ئێوە سەلامەت و تەمەندرێژ بن".
وێنەیەك لە سوپاسنامەكەی نەوشیروان مستەفا
رۆژی هەینی 17-3-2017، خاتوو شوعلە عەلی، هاوژینی نەوشیروان مستەفا، لە تەمەنی 60 ساڵیدا لە شاری سلێمانی بەهۆی نەخۆشییەوە کۆچی دوایی کرد.
نەوشیروان مستەفا، رێکخەری گشتیی بزووتنەوەی گۆڕان، رۆژی 3-9-2016 بەمەبەستی چارەسەرکردنی نەخۆشی بەرەو بەریتانیا بەڕێکەوت و تاوەکو ئێستا لە لەندەنی پایتەختی ئەو وڵاتە ماوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ