رووداو- مێرگەسۆر
بەهۆی بۆردوومانکردنی دوو گوندی سەر سنووری نێوان باکوور و باشووری کوردستان لەلایەن سوپای تورکیاوە، پووش و پاوانی سنووری شارۆچکەی شێروان مەزن ئاگریگرت و تاوەکو ئێستاش کۆنترۆڵ نەکراوە.
غەفوور ئەحمەد، قائیمقامی قەزای مێرگەسۆر بە تۆڕی میدیایی رووداوی راگەیاند "ئەمڕۆ (هەیینی، 30-6-2017)بەهۆی شەڕی نێوان گەریلاکانی پەکەکە و سەربازانی تورکیا، پووش و پاوانی سنووری شارۆچکەی شێروان مەزن ئاگری گرتووە".
بەگوتەی قائیمقامی مێرگەسۆر لەهەردوو گوندی ئێدلبێ-ی سەر بە شارۆچکەی شێروان مەزنی سەر بە قەزای مێرگەسووری هەولێر و، لە گوندی بێرۆخ-ی سەر سنوور، شەڕ لەنێوان گەریلاکانی پەکەکە و سەربازانی تورکیا روویداوە. بەهۆی شەڕەکەوە پووش و پاوانی سنووری ناحیەی شێروان مەزن ئاگری گرتووە "سوپای تورکیا لەڕێگەی تۆپ و دۆشکە دەستی بە تۆپباران و گوللـەبارانی ناوچەکە کردووە. شەڕەکە بەردەوامە و نەشتوانراوە ئاگرەکە کۆنتڕۆڵبکرێت".
پێداچوونەوە: هەڵات رێبوار
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ