Hewlêr (Rûdaw) - Li gorî Navenda Lêkolînê ya Sendîkaya Metal-Işê (BISAM) meha Hezîrana îsal li Tirkiye û Bakurê Kurdistanê sînorê birçîbûna malbateke 4 kesî gihiştiye 19 hezar û 44 lîreyan û sînorê hejariyê jî derketiye 65 hezar û 874 lîreyên Tirkî.
Navenda Lêkolînê ya Sendîkaya Metal-Iş ya Hevgirtî (BISAM) encamên Lêkolîna Sînorê Birçîbûn û Hejariyê yên Hezîrana 2024an eşkere kirin.
Li gorî lêkolîna BISAMê, meha Hezîrana îsal li Tirkiyeyî sînorê birçîbûnê ya malbateke 4 kesî gihiştiye 19 hezar û 44 lîreyan ku di sala 2024an de mûçeyê kêmane 17 hezar û 2 lîre ye.
Sînorê birçîbûnê mûçeyê kêmane derbas kiriye
Bi vî awayî sînorê birçîbûnê 2 hezar û 42 lîre mûçeyê kêmane derbas kiriye.
Sînorê hejariyê jî di heman mehê de derketiye 65 hezar û 874 lîreyan.
Li gorî amarên BISAMê ji bo yek kes karibe debara jiyana xwe bike, pêwîstiya wî/wê bi 30 hezar û 604 lîreyan heye.
Herwiha di meha Hezîranê de herî zêde nirxê şîr û berhemên şîr zêde bûye û di rêza duyemîn de jî goşt, hêk û dexlûdan hene.
Li gorî raporê ji bo kesek bikaribe bi tenuristî bijî rojane divê:
Herî kêm 174 lîre ji bo şîr û berhemên şîr
Herî kêm 133 lîre ji bo goşt, mirîşk û masî
Herî kêm 168 lîre ji bo fêkî û sewze xerc bike.
Herwiha ji bo nan 57 lîre, ji bo zeytê 32 lîre, ji bo hêk 8 lîre û ji bo hingiv an dimsê jî here kêm 14 lîreyan xerc bike.
.webp&w=3840&q=75)
