کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Platforma Firezzê hat damezirandin

Platforma Firezzê hat damezirandin

Çand

Platforma Firezzê dest bi karê xwe kir

Maseya Edîtoran

Maseya Edîtoran

24-06-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran24-06-2026

Nûçeyên Têkildar

‘Yêrîvan Xeber Dide’ dengên efsanewî yên Radyoya Yêrîvanê digihîne hemû Kurdistanê
Çand10-10-2026

‘Yêrîvan Xeber Dide’ dengên efsanewî yên Radyoya Yêrîvanê digihîne hemû Kurdistanê

Zanîngeha Artukluyê kurs û azmûna sertîfîkayê ya Kurdî vedike
Çand07-10-2026

Zanîngeha Artukluyê kurs û azmûna sertîfîkayê ya Kurdî vedike

Yekitiya Weşangerên Amerîkayê xelat da Avestayê
Çand07-10-2026

Yekitiya Weşangerên Amerîkayê xelat da Avestayê

Hewlêr (Rûdaw) - Firezz ku platformeke serbixwe ya weşan û arşîvê ye û balê dikişîne ser hunera hevdem, bi awayekî fermî dest bi karê xwe kir.

Navê xwe ji peyva Kurdî "frêz" digire ku riwekeke berxwedêr û belavbûyî ye.

Firezz bawer dike ku huner jî bi derbaskirina sînor û navendan bi heman awayî belav dibe û zêde dibe.

Hilberînên hunerî yên wekî dîmen, nivîs, pêşangeh û xebatên dengî, ne tenê wateyan ava dikin têkilî û ramanên nû jî diafirînin.

Firezz armanc dike ku vê tevgera belavbûnê bişopîne û berbiçav bike.

Hunera hevdem a Kurdî

Xala destpêkê ya platformê hunera hevdem a Kurdî ye.

Firezz hunera Kurdî ne wekî nasnameyeke girtî lê wekî qadeke dînamîk a pêwendiyan dibîne.

Qadek ku di navbera erdnîgarî, ziman, dîrok û estetîkê de hatiye avakirin.

Ew armanc dike ku hilberînên hunermendên Kurd derxe pêş û wan bi çarçoveyên hunerî û hizrî yên berfirehtir re bide nîqaşkirin.

Qadên eleqeyê yên Firezzê hunermend, pêşangeh, metin, dîmenên livdar, performans, hunera deng, moda, lêkolîn û xebatên arşîvê ne.

Platform armanc dike ku arşîveke zindî ava bike.

Ew dixwaze hilberînên heyî bişopîne, qadê ji nîqaşan re veke û bîra hunera hevdem a Kurdî bigihîne her kesî.

Li dijî parçebûnê girêdanên nû

Agahî, belge û nîqaşên derbarê hunera Kurdî niha di nav welat û zimanên cuda de parçebûyî ne.

Gihîştina van agahiyan gelek caran sînordar e.

Firezz armanc dike ku di nav vê parçebûyînê de girêdanên nû biafirîne.

Ew dixwaze di navbera hunermend, nivîskar, kurator, lêkolîner û xwîneran de zemîneke hevpar a ramanê ava bike.

Firezz nêzîkatiya xwe ya li hemberî hunera hevdem, di ser formên estetîk, rêbazên hilberînê û nîqaşên hizrî re digire dest.

Ew ne tenê platformeke weşanê ye her wiha qadeke vekirî ye ku deng û perspektîfên cihêreng dikarin lê li hev bicivin.

Kolektîfa Edîtoryal a Firezzê

Kolektîfa Edîtoryal a Firezzê (FIREZZ Editorial Collective) ji Ebru Ojen, Yonca Karakaş, Fatîh Tan, Ahmed Kutlu û Mahsum Çîçek pêk tê.

Ev kom, ji qadên cuda yên wekî edebiyat, hunerên dîtbarî û rexneyê hatine cem hev.

Ew Firezzê wekî zemîneke hevpar a raman û hilberînê dibînin.

Pêvajoyên edîtoryal bi diyalog û hilberîna kolektîf pêk tên.

Çima Firezz?

Bi dîtina Firezzê 20 salên dawî hilberîna hunera hevdem a Kurdî zêde bûye lê binesaziyeke weşanê ya domdar ku van hilberînan bişopîne ava nebûye.

Hejmara platformên ku van xebatan tînin cem hev gelekî kêm e.

Agahiyên li ser hunera Kurdî bi piranî ji aliyê pêşangeh û projeyên demkî ve tên diyarkirin.

Pêşketina qadeke hunerî bi domdariya rexne, lêkolîn û arşîvan pêkan e.

Tora danûstandinê ya domdar tune ye

Kolektîfa Edîtoryal a Firezzê diyar kir ku di navbera hunermendên Kurd ên li welatên cuda de toreke danûstandinê ya domdar nîne û got:

“Rûdanên hunerî dikarin ji hevdû bêxeber bimînin. Dîroka hunera hevdem a Kurdî jî hîn baş nehatiye nivîsandin.

Arşîvên perçebûyî têkiliya nifşên nû bi dîroka xwe re zehmet dikin.

Nîqaşên li ser hunera Kurdî bi piranî li ser nasnameyê asê dimînin lê mijarên wekî estetîk û teoriya hunerê kêm tên nîqaşkirin.

Firezz tam ji van pêdiviyan derdikeve holê. Ew armanc dike ku hunera hevdem a Kurdî belge bike, di navbera hunermendan de girêdanan ava bike û nîqaşên nû veke.

Armanca me ya sereke, tevkariya li binesaziya qadeke gelemperî ya hunerê ye ku hîn bi tevahî pêk nehatiye.”

Nûçeyên Têkildar

‘Yêrîvan Xeber Dide’ dengên efsanewî yên Radyoya Yêrîvanê digihîne hemû Kurdistanê
Çand10-10-2026

‘Yêrîvan Xeber Dide’ dengên efsanewî yên Radyoya Yêrîvanê digihîne hemû Kurdistanê

Zanîngeha Artukluyê kurs û azmûna sertîfîkayê ya Kurdî vedike
Çand07-10-2026

Zanîngeha Artukluyê kurs û azmûna sertîfîkayê ya Kurdî vedike

Yekitiya Weşangerên Amerîkayê xelat da Avestayê
Çand07-10-2026

Yekitiya Weşangerên Amerîkayê xelat da Avestayê

Pirsên