Hewlêr (Rûdaw) - Xêro Abbas dê 28ê Çiriya Paşîna 2026an li Amedê derkeve ser dikê.
Hunermend dê di konserê de ji bilî berhemên xwe yên klasîkbûyî, stranên ku di albuma wî ya nû de cih digirin jî cara yekem ji bo guhdaran bistire.
Xêro Abbas ê ku bi dengê xwe yê bihêz û şêwaza xwe ya taybet xwedî girseyeke berfireh a guhdaran e, dê roja şemiyê 28ê Çiriya Paşîn bi muzîkhezên Amedê re bicive.
Konser dê li ÇandAmedê bê lidarxistin
Konser dê saet 20:00î li Navenda Çand û Kongreyê ya Sezaî Karakoç (ÇandAmed) bê lidarxistin.
Hunermend dê di vê konserê de bi repertuwareke taybet a ku ji berhemên wî yên hezkirî pêk tê derkeve pêşberî guhdaran.
Yek ji beşên herî balkêş ên şevê jî dê ew be ku Abbas dê stranên di albuma xwe ya nû de cara yekem bistire.
Konsera wî ya Hewlêrê hatibû paşxistin
Hunermendê navdar dê hefteyên borî li Hewlêrê jî konserek bida lê piştî karesata lehiyê konsera wî hatibû paşxistin.



