کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Alayên Îran, Pakistan û Amerîkayê / Wêne: Arşîv

Alayên Îran, Pakistan û Amerîkayê / Wêne: Arşîv

ÎRAN

Medyaya Îranê: Dan û standinên bi Amerîkayê re hatin rawestandin

Maseya Edîtoran a Rûdawê

Maseya Edîtoran a Rûdawê

01-06-2026
Guhdarî bike
0:00
0:00
Mezinahiya Nivîsê
Maseya Edîtoran a Rûdawê

Maseya Edîtoran a Rûdawê

01-06-2026

Nûçeyên Têkildar

Eraqçî: Welatên herêmê piştgiriyê didin pêşniyara me ya vekirina Tengava Hurmizê
ÎRAN16-11-2026

Eraqçî: Welatên herêmê piştgiriyê didin pêşniyara me ya vekirina Tengava Hurmizê

Îranê daxwaza Almanyayê red kir
ÎRAN15-11-2026

Îranê daxwaza Almanyayê red kir

Li Îranê binesaziya av û kanalîzasyonê zêdetirî 77 milyon dolar zerer dît
ÎRAN15-11-2026

Li Îranê binesaziya av û kanalîzasyonê zêdetirî 77 milyon dolar zerer dît

Hewlêr (Rûdaw) - Medyaya Îranê ragihand ku birêvebiriya Tehranê piştî êrişên li ser Libnanê dan û standinên bi Amerîkayê re rawestandine.

Ajansa Nûçeyan a Tesnîmê ya Îranê daxuyand ku Îranê piştî êrişên Îsraîlê yên li ser Libnanê dan û standinên bi Amerîkayê re dane rawestandin.

Fermandariya Navendî ya Hêzên Amerîkayê (CENTCOM) ragihand ku wan wekî bersiva "kiryarên êrişkar" ên Îranê, li Tengava Hurmizê êrişî sîstemên mûşekavêjan ên li Girava Qeşm û herêma Gorukê kiriye.

Birêveberiya Îranê di demeke kurt de bersiva van êrişan da.

Artêşa Îranê bi mûşek û dronan êrişî baregehên Amerîkayê yên li Kuweytê kir.

Rayedarên Kuweytê daxuyand ku pergalên wan ên parastina asmanî midaxeleyî êrişan kiriye.

Her wiha hat ragihandin ku li seranserê welêt zengilên hişyariyê lêxistine.

Netanyahu fermana êrişê dabû

Serokwezîrê Îsraîlê Benjamin Netanyahu di saetên sibehê de ferman dabû artêşa Îsraîlê.

Li gorî fermanê, divabû artêş ji asman ve êrişî herêma Dahiyeyê ya Beyrûta paytexta Libnanê bike.

"Bêyî agirbesta Libnanê peyman nabe"

Berdevkê Wezareta Karên Derve ya Îranê Îsmaîl Beqayî jî heman rojê bal kişand ser zêdebûna êrişên Îsraîlê.

Beqayî daxuyand ku agirbesta li Libnanê, parçeyekî her peymana bi Amerîkayê re ye ku ji bo bidawîkirina şer tê kirin.

Berdevkê Wezareta Karên Derve Beqayî ev tişt gotin:

"Agirbesta li Libnanê parçeyekî veneqet ê peymana dawî ya ji bo bidawîkirina şer e.

Aktorê sereke yê tiştên ku li Libnanê diqewimin Amerîka ye.

Tevî agirbesta li holê jî, rejîma siyonîst li Libnanê û li xaka Filistînê ya dagirkirî sûcên herî giran û hovane didomîne."

Beqayî li ser proseya dan û standinên bi Amerîkayê re jî nirxandin kirin.

Wî destnîşan kir ku dan û standin û diyalog nayê wê wateyê ku di navbera aliyan de bawerî heye.

Beqayî amaje pê kir ku hevdîtinên bi Amerîkayê re di nava guman û bêbaweriyê de dest pê kirine.

Beqayî diyar kir ku daxuyaniyên nakok ên Amerîkayê û peyamên wê yên bi rêya medyayê proseya dan û standinan dirêj kiriye.

Wî îdia kir ku di qonaxa niha de mijarên nukleerî ne di rojevê de ne.

Beqayî anî zimên ku dema pêwîst be ew dê gavan biavêjin û ew baş dizanin bê dê çi bikin.

Li Dahiyeyê koçberiya bi zorê dest pê kir

Netanyahu ferman dabû artêşê ku êrişî herêma Dahiyeyê ya li başûrê Beyrûtê bike.

Piştî vê fermanê, şêniyên herêmê dest bi terkkirina malên xwe kir.

Li Dahiyeyê bi sed hezaran kes dijîn.

Li xalên sereke yên derketina herêmê qerebalixiyeke zêde ya otomobîlan çêbû.

Gelek malbat ber bi wan herêmên paytextê ve çûn ku ewletir tên dîtin.

 

Nûçeyên Têkildar

Eraqçî: Welatên herêmê piştgiriyê didin pêşniyara me ya vekirina Tengava Hurmizê
ÎRAN16-11-2026

Eraqçî: Welatên herêmê piştgiriyê didin pêşniyara me ya vekirina Tengava Hurmizê

Îranê daxwaza Almanyayê red kir
ÎRAN15-11-2026

Îranê daxwaza Almanyayê red kir

Li Îranê binesaziya av û kanalîzasyonê zêdetirî 77 milyon dolar zerer dît
ÎRAN15-11-2026

Li Îranê binesaziya av û kanalîzasyonê zêdetirî 77 milyon dolar zerer dît

Pirsên