کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Tom Barrack / Wêne: Arşîv

Tom Barrack / Wêne: Arşîv

Kurdistan

Al-Monitor: Tom Barrack dê bi Serok Barzanî û Mezlûm Ebdî re bicive

Maseya Edîtoran

Maseya Edîtoran

13-06-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran13-06-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Tê çaverêkirin ku Nûnerê Taybet ê Amerîkayê yê Sûriye û Îraqê Tom Barrack, hefteya bê serdana Hewlêrê bike.

Barrack dê li Hewlêrê bi Serok Mesûd Barzanî, Serokê Herêma Kurdistanê Nêçîrvan Barzanî û Serokwezîr Mesrûr Barzanî re bicive.

Hat ragihandin ku Barrack dê li gel Fermandarê Giştî yê Hêzên Sûriyeya Demokrtatîk (HSD) Mezlûm Ebdî jî bicive.

Malpera nûçeyan a Al-Monitorê ya ku navenda wê li Amerîkayê ye ragihand ku piştî tayînkirina wî ya ji bo peywira Nûnerê Taybet ê Sûriye û Îraqê yê Serokê Amerîkayê, Barrack dê hefteya bê geşta xwe ya yekem a fermî ya li herêmê bike.

Li gorî nûçeyê, du rawestgehên serdanê dê Bexda û Hewlêr bin.

Hevdîtinên krîtîk ên li Hewlêrê

Li gorî zanyariyên ku Al-Monitorê parve kirine, Tom Barrack dê roja sêşemê derbasî Hewlêrê bibe.

Ew dê li gel Serok Mesûd Barzanî, Serokê Herêma Kurdistanê Nêçîrvan Barzanî û Serokwezîr Mesrûr Barzanî bicive.

Tê çaverêkirin ku Barrack di çarçoveya serdanê de li gel Fermandarê Giştî yê HSDyê Mezlûm Ebdî jî bicive.

Tê pêşbînîkirin ku di civînan de bipêşketinên dawî yên li Sûriyeyê, têkiliyên di navbera aliyên Kurdan de, dosyeyên ewlehiyê yên herêmî û siyaseta Sûriyeyê ya Amerîkayê werin nirxandin.

Li Bexdayê rojev belavkirina komên çekdar e

Her wiha tê plankirin ku Tom Barrack roja duşemê li Bexdayê li gel rayedarên Îraqî bicive.

Li gorî nûçeyê, tê çaverêkirin ku Barrack li gel Serokwezîrê Îraqê Elî Falih Zeydî û berpirsên din ên bilind were ba hev.

Xala sereke ya rojeva civînan dê belavkirin û bêçekkirina wan komên çekdar be ku di meha nîsanê de ji êrişên li ser dîplomatên Amerîkayî berpirsiyar hatibûn girtin.

Hat destnîşankirin ku tê çaverêkirin Washington di vê mijarê de zextên xwe yên li ser birêvebiriya Bexdayê zêde bike.

Korîdorên nû yên enerjî û bazirganiyê

Di nûçeyê de hat gotin ku piştî aloziya li Tengava Hurmizê û dorpêça deryayî ya Amerîkayê ya li ser Îranê, hinartina nefta Îraqê ji rojane 3 milyon û 300 hezar bermîlî daketiye nêzîkî 600 hezar bermîlan.

Di vê çarçoveyê de hat gotin ku Barrack dê ji bo kêmkirina pêbendbûna Îraqê ya bi enerjiya Îranê re, mijara avakirina korîdorên nû yên bazirganî û enerjiyê yên di ser Tirkiye û Sûriyeyê re jî bîne rojevê.

Gumanên li ser daxuyaniyên komên ser bi Îranê ve

Al-Monitorê diyar kir ku ji hêzên ser bi Muqteda Sedir û hinek komên çekdar ên wekî Esaîb Ehlî El-Heq peyamên amadebûna ji bo bêçekbûnê dane lê çavdêrên siyasî bi guman nêzîkî van daxuyaniyan dibin.

Pispor dinirxînin ku dibe ev gavên navborî, gaveke taktîkî ya Îranê be ku dixwaze di dema pêvajoya dan û standinên nukleerê de zextên navneteweyî yên li ser xwe kêm bike.

Amerîka li herêmê li pey hevsengiyeke nû ye

Di nûçeyê de her wiha hat gotin ku Tom Barrack berî destpêkirina geşta xwe ya li herêmê li gel Wezîrê Karên Derve yê Tirkiyeyê Hakan Fîdan civiyaye.

Ev trafîka dîplomasiyê wekî beşeke ji hewldana Washingtonê tê nirxandin ku berî vekişîna temam a hêzên Amerîkayê ya di meha Îlonê de ji Îraqê, dixwaze Îraqê ji qada bandora Tehranê dûr bixe, şirîkatiya herêmî xurttir bike û di warê ewlehî û enerjiyê de hevsengiyên nû ava bike.

 

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên