Birêvebiriya Madeyên Hişbir a Herêma Kurdistanê amarên 3 salan eşkere kirin

Hewlêr (Rûdaw) - Birêvebiriya Giştî ya Têkoşîna li Dijî Madeyên Hişbir a Herêma Kurdistanê, amarên desteserkirinê û madeyên hatine bidestxistin ên ji sala 2023yan heta nîva yekem a îsal ji Rûdawê re şandin.

Amar nîşan didin ku rêjeya herî zêde ya bikarhênerên madeyên hişbir di navbera temenê 18 û 30 saliyê de ye.

Li gorî amarên ku gihîştine ber destê Rûdawê, li parêzgehên Hewlêr û Dihokê têkoşîna li dijî madeyên hişbir zêdetir bûye.

Tenê di 3 salên dawî de, rêjeyeke gelekî zêde ya madeyên hişbir û hebên cur bi cur hatine bidestxistin.

Amarên desteserkirinê (2023 - 2026)

1.       Sala 2023yan: 2 hezar û 482 kes hatin desteserkirin (Hezar û 412 bikarhêner û hezar û 70 bazirgan).

2.       Sala 2024an (Hewlêr û Dihok): Hezar û 568 kes hatin desteserkirin (727 bikarhêner û 831 bazirgan).

3.       Sala 2025an (Hewlêr û Dihok): Hezar û 708 kes hatin desteserkirin (Hezar û 34 bikarhêner û 674 bazirgan).

4.       Şeş mehên ewil ên îsal: 744 kes hatin desteserkirin ku ji wan 482 kes bazirganên madeyên hişbir in.

Dabeşkirina temenê bikarhêner û bazirganan (2025)

·         Yên di bin 18 saliyê de: Ji sedî 1ê desteserkiriyan.

·         Di navbera 18 û 30 saliyê de: Ji sedî 46ê desteserkiriyan.

·         Di navbera 30 û 40 saliyê de: Ji sedî 36ê desteserkiriyan.

·         Di navbera 40 û 50 saliyê de: Ji sedî 13ê desteserkiriyan.

·         Di navbera 50 û 60 saliyê de: Ji sedî 4ê desteserkiriyan.

·         Jin ji sedî 4ê hemû desteserkiriyên sala 2025an pêk tînin.

Madeyên hatine bidestxistin

1.       Sala 2023yan: 2 ton û 825 kîlogram madeyên hişbir û 6 hezar û 56 şirît heb.

2.       Sala 2024an: 511 kîlogram madeyên hişbir û 20 hezar û 240 şirît/heb.

3.       Sala 2025an: 922 kîlogram madeyên hişbir û 12 hezar û 194 şirît heb.

4.       Nîva ewil a îsal: 218 kîlogram madeyên hişbir û hezar û 897 şirît heb.