Li asmanê Hewlêrê çend êriş hatin şikandin

Hewlêr (Rûdaw) – Îşev bi rêya çend mûşek û dronan êrişî Hewlêrê hat kirin û bi rêya pergala parastinê hemû hatin xistin.

Li gorî agahiyên Tora Medyayî ya Rûdawê çend mûşek û dron ber bi Hewlêrê ve hatine lê hemû ji aliyê pergala parastina asmanî ve hatin xistin.

Ti ji wan mûşek û dronan negihîştin armancên xwe û hatin teqandin.

Di van êrişan de ti zererên canî çênebû.

Vîdeoyên ku ji Rûdawê re hatine şandin, kêliya xistina mûşek û dronan a li asmanê Hewlêrê ya ji aliyê pergala parastinê ve nîşan didin.

Ji destpêka şerê Amerîka û Îsraîlê yê li dijî Îranê ku 28ê Sibatê dest pê kiribû, bi 927 dron û mûşekan êrişî Herêma Kurdistanê hatiye kirin.

Di van êrişan de 30 kes şehîd ketin û 148 kes jî birîndar bûn.

Hejmara êrişên li gorî parêzgehan wiha ye:

·         Parêzgeha Hewlêrê: 633 êriş

·         Parêzgeha Silêmaniyê: 261 êriş

·         Parêzgeha Dihokê: 31 êriş

·         Parêzgeha Helebceyê: 2 êriş

#VÎDEO - Hevpeymanan li asmanê Hewlêrê çend dron teqandin

🔴 Pergala parastinê ya Hêzên Hevpeymanan li asmanê Hewlêrê çend dronên ku ber bi bajêr ve dihatin teqandin pic.twitter.com/y2c8cOvPrG

— RudawKurdi (@RudawKurdi) July 21, 2026