کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdistan

Xalid Îbrahîm: Ji bo vegera koçberan planeke me heye

RÛDAW

RÛDAW

25-07-2026
Guhdarî bike
0:00
0:00
Mezinahiya Nivîsê
RÛDAW
RÛDAW25-07-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw)- Endamê Encumena  Parêzgeha Hisîçayê Xalid Îbrahîm ragihand ku ji bo vegera koçberên Efrîn û Serê Kaniyê palneke wan heye.

Endamê Encumena  Parêzgeha Hisîçayê Xalid Îbrahîm beşdarî bultena Rûdawê bû û li ser gelek mijarên girîng ên herêmê axivî.

Xalid Îbrahîm di destpêka axaftina xwe de sersaxî da malbatên qurbaniyên qezaya trafîkê ya li ser rêya Til Temir û Hisîçayê.

Her wiha wî ji bo birîndaran daxwaza şîfayê kir.

Pêwendiyên Kurd û Ereban û xwenîşandan

Xalid Îbrahîm li ser alozî û xwenîşandanên dawî yên li herêmê axivî û wî diyar kir ku her kesê li Sûriyeyê dijî êş û azaran dikişîne.

Xalid Îbrahîm destnîşan kir ku mafê hemû pêkhateyan e ku bi awayekî şaristanî daxwazên xwe bînin zimên û got:

"Em dibînin ku li Qamişloyê, Amûdê û gelek derên din xelk ji ber xizmetguzariyê û bihayê kel û pelan derdikevin qadan. Ev mafekî rewa ye.

Lê belê divê em li herêmê bihevrejiyanê biparêzin. Pêwendiyên Kurd û Ereban xwedî dîrokeke kevn û kûr in."

Xalid Îbrahîm bal kişand ser wê yekê ku di vê qonaxa hesas de divê her kes bi rêya diyalog û dan û standinê pirsgirêkan çareser bike.

Wî xwest ku her kes xwe ji alozî û şerê çekdarî dûr bigire.

Stasyona Avê ya Elokê û pirsgirêka avê

Xalid Îbrahîm li ser pirsgirêka avê ya ku ev çend sal in li Hisîçayê didome axivî.

Bi gotina wî Stasyona Avê ya Elokê bûye mijareke mirovî û siyasî.

Xalid Îbrahîm li ser rewşa dawî ya gihîştina avê wiha got:

"Piştî demeke dirêj av gihîşt Hisîçayê, Til Temirê û gundewarên wan. Ev yek bû sedema dilxweşiya xelkê.

Lê hîn jî kêmasî hene û pergal bi temamî nehatiye sererastkirin. Ji ber ku binesaziya avê di dema şerê li dijî DAIŞê û di serdema rejîmê de gelek zerer dîtibû."

Wî diyar kir ku ji bo av bigihîje hemû malan xebatên saziyên pêwendîdar ên herêmî û navneteweyî bi rêk û pêk didomin.

Vegera koçberên Serê Kaniyê û Efrînê

Yek ji mijarên herî girîng ên axaftina jî vegera koçberan bû.

Xalid Îbrahîm eşkere kir ku ji bo vegera koçberên Serê Kaniyê û Efrînê planeke berfireh heye.

Wî da zanîn ku zêdetirî 13 hezar malbatên koçber niha li kampan an jî li bajarên din dijîn.

Xalid Îbrahîm li ser amadehiyên vegerê jî wiha got:

"Lîsteya navên wan kesên ku dixwazin vegerin ser mal û milkên xwe tê amadekirin. Di asta siyasî û îdarî de xebat hene da ku ev karwan bi rê bikevin.

Em hêvî dikin ku di demeke nêzîk de gavên pratîkî werin avêtin û xelkê me vegere ser axa xwe."

Xalid Îbrahîm di dawiya axaftina xwe de bangî hemû saziyên birêvebir û navneteweyî kir ku ji bo bipêşketina herêmê û pêkanîna aramiyê piştgiriyê bidin xebatên wan.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên