کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdistan

Pereyên cotkarên Hisîçayê tên dayîn

RÛDAW

RÛDAW

31-07-2026
Guhdarî bike
0:00
0:00
Mezinahiya Nivîsê
RÛDAW
RÛDAW31-07-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Li parêzgeha Hisîçayê ya Rojavayê Kurdistanê îsal zêdetirî milyonek ton genim hat wergirtin û pêvajoya dayîna pereyên cotkaran dest pê kir.

Birêvebirê Şaxa Saziya Genim a Sûriyeyê yê Hisîçayê Ebdulhemîd Dawûd beşdarî bultena Rûdawê bû û pirsên Nalîn Hesenê bersivandin.

Ebdulhemîd Dawûd diyar kir ku îsal li parêzgehê rêjeyeke gelekî baş a genim hatiye wergirtin û wan dest bi şandina fatûreyan ji bo bankeyan kiriye.

Rekora genim û kalîteya baş

Li gorî daxuyaniyên Ebdulhemîd Dawûd, heta niha li parêzgeha Hisîçayê milyonek û 150 hezar ton genim ji cotkaran hatiye wergirtin.

Ebdulhemîd Dawûd destnîşan kir ku wergirtina genim hîn didome û tê pêşbînîkirin ku ev hejmar bigihîje milyonek û 200 hezar tonî.

Birêvebirê şaxê li ser kalîteya genimê îsal jî axivî.

Wî diyar kir, ji ber ku baran baş bariya û keşûhewa guncav bû, rêjeya genimê gelekî zêde bû.

Heta niha nêzîkî 400 hezar ton genim wekî pola yekem hatiye qeydkirin

Her wiha genimên pola duyem, sêyem û çarem jî hatine wergirtin.

Genim dişînin Hims û Şamê

Ebdulhemîd Dawûd eşkere kir ku ji sala borî ve 560 hezar ton genim di ambaran de mabû.

Ji ber wê yekê jî îsal ambarên Hisîçayê têra hemû berheman nekirin.

Ebdulhemîd Dawûd da zanîn ku ew neçar man beşek ji genim bişînin parêzgehên wekî Hims û Şamê.

Heta niha di navbera 300 hezar û 350 hezar tonî de genim ji Hisîçayê ber bi Hims û Şamê ve hatiye veguhastin.

Pêdiviya salane ya parêzgeha Hisîçayê bi xwe nêzîkî 450 heta 500 hezar tonî ye.

Genimê mayî jî ji bo herêmên din tê şandin.

Dayîna pereyên cotkaran

Mijareke din a girîng jî dayîna pereyên cotkaran bû.

Ebdulhemîd Dawûd da zanîn ku pêvajoya amadekirina fatûreyan didome û tê pêşbînîkirin ku bi giştî 20 hezar fatûre werin birîn.

Heta niha 3 hezar fatûre ji bo Bankeya Çandiniyê hatine şandin.

Sazî her du rojan carekê nêzîkî 3 hezar fatûreyên nû amade dike û dişîne.

Ebdulhemîd Dawûd hêvî kir ku di nava vê mehê de hemû fatûre werin temamkirin û cotkar karibin pereyên xwe wergirin.

Bihayê genim jî li gorî pîvanên ku Wezareta Çandiniyê berê destnîşan kiribûn, tê hesabkirin.

Plana mezinbûna ambaran

Birêvebirê Şaxa Saziya Genim qala plansaziya paşerojê jî kir.

Wî diyar kir ku ew dixwazin kapasîteya ambar û sîloyên Hesekê zêde bikin.

Di vê çarçoveyê de, ew li ser nûjenkirin û berfirehkirina sîloyên Aliya û Dirbêsiyê dixebitin.

Kapasîteya her yek ji van sîloyan 100 hezar ton genim e.

Ev serkeftina di warê hilberîna genim de, piştî çend salên ziwayî û kêmbûna berhemî, wekî nûçeyeke geş ji bo aboriya herêmê tê dîtin.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên