کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Serok Mesûd Barzanî / Wêne: Arşîv

Serok Mesûd Barzanî / Wêne: Arşîv

Kurdistan

Serok Barzanî: Êzidî ji ber Kurdbûn, resenî û baweriya xwe rastî komkujiyê hatin

RÛDAW

RÛDAW

03-08-2026
Guhdarî bike
0:00
0:00
Mezinahiya Nivîsê
RÛDAW
RÛDAW03-08-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Serok Mesûd Barzanî di salvegera 12an a komkujiya Kurdên Êzidî de got, “Êzidî ji ber Kurdbûn, resenî û baweriya xwe rastî komkujiyê hatin.”

Serok Mesûd Barzanî di peyama xwe de destnîşan kir ku komkujiya Şingalê dirêjkirina zilmên berê ye û got:

"Ew tawana ku bi destê DAIŞê li herêma Şingalê hat kirin, berdewamiya wê zincîraa karesat, komkujî û tawanên dîrokî bû ku li dijî gelê Kurdistanê hatine kirin."

Serok Barzanî di beşeke din a peyama xwe de bangî Êzidiyan kir ku di nav xwe de tifaqê bikin û wiha axivî:

"Bi hemû şiyana xwe, ez piştgiriya daxwazên Kurdên Êzidî dikim.

Ez ji wan dixwazim ku ji bo misogerkirina paşerojeke geş, di nav xwe de yekrêz bin û hêviya wan bi paşerojê hebe.

Bê guman, ev rewşa sepandî û neasayî ya ku li Şingalê heye, dê heta serî neçe. Divê xwişk û birayên me yên Êzidî bi serbilindî vegerin cih û warên bav û kalên xwe."

Peyama Serok Barzanî ya ji bo salvegera komkujiya Êzidiyên Şingalê bi vî rengî ye:

"Bi navê Xwedayê mezin û dilovan

Ew tawana ku terorîstên DAIŞê 12 sal beriya niha li dijî xwişk û birayên me yên Êzidî kir, êşek e ku dê heta hetayê di bîra Kurdistaniyan de bimîne.

Êzidî ji ber Kurdbûn, resenî û baweriya xwe ya olî rastî kîn û tevgerên nemirovane yên terorîstên DAIŞê hatin û rastî komkujiyê hatin.

Tawana ku bi destê DAIŞê li herêma Şingalê hat kirin, berdewamiya wê zincîra karesat, komkujî û tawanan e ku di dirêjahiya dîrokê de li dijî gelê Kurdistanê hatine kirin.

Di salvegera 12an a vê karesatê de, silav li giyanê şehîd û qurbaniyên wê tawanê.

Silav li wêrekî û qehremaniya wan Pêşmergeyan ku li ser Çiyayê Şingalê man û rê nedan destê terorîstan bigihîje Çiyayê Şingalê.

Silav li wefa û qehremaniya wan hemû Pêşmergeyan ku ji bo şikandina dorpêça Çiyayê Şingalê û rizgarkirina Şingalê xwîna xwe bexşî û efsaneya DAIŞê têk bir.

Her wiha em ji dil spasiya her ferdê serbilind ê Kurdistanê dikin ku wekî yek bedenekê hevxemê xwişk û birayên Êzidî bûn.

Em rêz û spasiyeke mezin pêşkêşî hêzên hevpeymanan jî dikin ku di alîkariya Pêşmergeyan û paşvebirin û têkbirina terorîstan de xwedî roleke diyar bûn.

Di salvegera vê karesatê ya ji bo xwişk û birayên Êzidî de, ez ducare dikim ku ez bi hemû şiyana xwe piştgiriya daxwazên wan dikim. Ez ji wan dixwazim ku ji bo misogerkirina paşerojeke geş, di nav xwe de yekrêz bin û hêviya wan bi paşerojê hebe.

Bê guman, ev rewşa sepandî û neasayî ya li Şingalê, nabe ku heta serî berdewam bike û divê xwişk û birayên me yên Êzidî bi serbilindî vegerin cih û warên bav û kalên xwe û zerer û êşên wan werin qerebûkirin (tezmînkirin).

Hezar silav li giyanê pak ê şehîdên Şingalê û hemû şehîdên rêya azadiya Kurdistanê.

Mesûd Barzanî

3yê Tebaxa 2026an"

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên