کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Logoya PDKyê û Mihemed Seman / Wêne: Rûdaw Grafîk

Logoya PDKyê û Mihemed Seman / Wêne: Rûdaw Grafîk

Kurdistan

PDK: Gotinên Parêzgarê Kerkûkê yên li ser Madeya 140î hewldana fitneyê ne

Maseya Edîtoran

Maseya Edîtoran

05-08-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran05-08-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Ofîsa Rêxistina Kerkûk-Germiyanê ya Partiya Demokrat a Kurdistanê (PDK) li ser gotinên dawî yên Parêzgarê Kerkûkê daxuyaniyek belav kir.

Partiya Demokrat a Kurdistanê (PDK) di daxuyaniya xwe de diyar kir ku divê bajarê Kerkûkê bibe mînaka bihevrejiyan û biratiyê.

Hat destnîşankirin ku ji bo parastina bihevrejiyanê û nemana pirsgirêkan, divê hemû pêkhateyên olî û neteweyî yên bajêr xwedî maf û erkên xwe bin û hat gotin:

"Destûr û Madeya 140î nexşerêyeke rast û serdemî ji bo çareserkirin û nemana pirsgirêkên li parêzgeha Kerkûkê û cihên din ên Îraqê daniye.

Gotinên neberpirsyarane yên Parêzgarê Kerkûkê yên li ser wê yekê ku Madeya 140î ya destûrê nemaye, tê wateya bêbihakirin û nemana destûrê."

'Eger destûr nemîne Îraq nabe dewlet'

PDKyê bal kişand ser girîngiya destûrê û anî zimên:

"Ew bi xwe jî baş dizane ku eger destûr nemîne, ev tê wê wateyê ku Îraq ji wateya dewletbûnê vala dibe û namîne.

Ew cure daxuyanî bi ti awayî xizmeta berjewendiyên pêkhateyan û şêniyên Kerkûkê nakin.

Berovajî vê yekê, ev hewldaneke nexwestî ye ji bo têkdana biratiyê û kûrkirina pirsgirêkan e."

'Bi peymaneke gumanbar bûye parêzgar'

Di daxuyaniyê de her wiha hat destnîşankirin ku Mihemed Seman Kenan bi "peymaneke gumanbar a li Otela Reşîd" bûye Parêzgarê Kerkûkê.

PDKyê diyar kir ku eger hilbijartineke azad, demokratîk û asayî hebûya, dê rewş cuda bûya.

Gotinên Mihemed Seman çi bûn?

Parêzgarê Kerkûkê Mihemed Seman ku di heman demê de Serokê Eniya Tirkmenan a Îraqê ye, di hevpeyvîneke televîzyonî de gotibû ku "xeletiya herî mezin a stratejîk a dewleta Îraqê ya piştî sala 2003yan Madeya 140î bûye."

Mihemed Seman eşkere kir ku wan wekî pêkhateya Tirkmenan ji ber wan cure madeyan deng nedaye destûrê û got:

"Me bawer dikir ku dê di paşerojê de bibe sedema pirsgirêkan û wiha jî bû.

Referandûm hat kirin û em li dijî wê rawestiyan."

Madeya 140î ya destûrê, ji bo çareserkirina pirsgirêka guherîna demografîk a li herêmên Kurdistanî hatiye danîn ku di salên 70yî de bi rêya "Erebkirinê" hatibû kirin.

Serokê Fraksiyona PDKyê ya li Meclisa Parêzgeha Kerkûkê Hesen Mecîd jî li ser mijarê ji Rûdawê re got:

"Ti sînor nikarin axekê ji xwediyê wê qut bikin.

Madeya 140î rêya vegerandina heq e ji bo xwediyê heq û çespandina dadweriyê."

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên