کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdistan

Koçberên Serê Kaniyê rastî êrişê hatin: Li Hisîça û Qamişloyê xwenîşandan

RÛDAW

RÛDAW

10-08-2026
Guhdarî bike
0:00
0:00
Mezinahiya Nivîsê
RÛDAW
RÛDAW10-08-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Karwanê yekem ê koçberên Serê Kaniyê piştî 7 salan vegeriya warê xwe lê rastî êrişa Erebên hawirde û çekdaran hat.

Ji bo ku pevçûn mezin nebe, malbatên Kurd careke din ji bajêr derketin.

Li Hisîça û Qamişloyê xelkê li dijî van êrişan xwenîşandan kir.

Veger û êrişa Erebên hawirde

Îro saet 07:00an yekem karwanê koçberên Serê Kaniyê ji gundê Tiwênayê yê Hisîçayê bi rê ket û gihîşt bajêr.

Ev welatî ji sala 2019an ve koçber bûbûn û di kamp û xaniyên kirê yên parêzgeha Hisîçayê de dijiyan.

Karwanê yekem ê koçberên Serê Kaniyê ji 400 heta 650 malbatan pêk dihat.

Dema ku malbatên Kurd gihîştin Serê Kaniyê û çûn malên xwe, wan dît ku Erebên hawirde di malên wan de ne.

Di wê demê de çend çekdarên ji Dêrezorê li ser motorsîkletan êrişî malbatên Kurd kir.

Ji bo ku alozî zêdetir nebe û şer mezin nebe, ew malbatên Kurd careke din ji Serê Kaniyê derketin.

Li Hisîça û Qamişloyê xwenîşandan

Li Hisîça û Qamişloyê bi sedan welatiyên Kurd li dijî êrişa li Serê Kaniyê xwenîşandan kir.

Di dîmenên ku ji bajarê Hisîçayê hatine girtin de xuya dibe ku gelek Kurd li ber avahiya Asayîşa Hikûmetê kom bûye.

Gelê Kurd ji çekdarên hikûmetê xwest ku alaya Sûriyeyê daxînin û çekdaran jî ew ala daxist.

Peyman û sedemên derengketinê

Komîteya Koçberên Serê Kaniyê ragihand ku piştî gotûbêjên bi aliyên pêwendîdar re, hikûmeta demkî û parêzgarê Hisîçayê biryar dabû ku çekdaran ji malên xelkê derxin.

Ev biryar wekî garantiyekê ji bo parastina can û malê koçberan hatibû dayîn lê dîsa jî Kurd rastî êrişê hatin.

Tevî vê peymanê jî heta niha ti koçberên Kurd bi temamî venegeriyabûn ser malên xwe.

Li gorî amaran, hejmara koçberên Serê Kaniyê derdora 12 hezar û 500 malbatî ye ku dike nêzîkî 72 hezar kesî.

Tîma serokatiya Sûriyeyê beriya niha ji Rûdawê re ragihandibû ku hebûna mayîn û teqemeniyan pêvajo dereng xistiye.

Her wiha Komîteya Koçberên Serê Kaniyê destnîşan kir ku hebûna leşkerî ya Tirkiyeyê ya li herêmê jî veger bi paş xistiye.

Merasîma birêkirina karwanê yekem bi amadebûna Emîn Elam hat lidarxistin.

Tevî ku vegera piştî bi salan cihê kêfxweşiyê bû jî xelkê herêmê ji ber nezelaliya rewşê û êrişên heyî hîn jî dilgiran e.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên