کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdistan

Ciwan Îso: Ji bo vegera Serê Kaniyê garantiyên ewlehiyê nînin

RÛDAW

RÛDAW

11-08-2026
Guhdarî bike
0:00
0:00
Mezinahiya Nivîsê
RÛDAW
RÛDAW11-08-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Ciwan Îso ragihand ku wan amadehiyên şandina karwanê duyem bi awayekî demkî rawestandiye.

Berpirsê Pêwendiyan ê Komîteya Koçberên Serê Kaniyê Ciwan Îso bû mêvanê Rûdawê û pirsên Dilbixwîn Dara bersivandin.

Pêvajoya vegera Kurdan a li Serê Kaniyê doh dest pê kir.

Di karwanê yekem de 409 malbat vegeriyan warê xwe.

Karwanê yekem ê koçberên Serê Kaniyê piştî 7 salan vegeriya lê rastî êrişa Erebên hawirde hat.

Gava koçberên Kurd gihîştin malên xwe, rastî dîmenên xemgîn hatin û wan dît ku malên wan bi temamî hatine talankirin.

Bajarê Serê Kaniyê wêran e û xelkê wê jî hîn di konan de ne.

Biryara rawestandina vegera karwanê duyem piştî êrişên çekdarî, gef û binpêkirinên giran ên li dijî karwanê yekem hat dayîn.

Êrişên li ser karwanê yekem

Berpirsê Pêwendiyan ê Komîteya Koçberên Serê Kaniyê Ciwan Îso diyar kir ku dema karwanê yekem a ku ji nêzîkî 409 malbatan pêk dihat gihîşt Serê Kaniyê rastî êrişên "hovane" hatine.

Erebên hawirde û çekdarên li herêmê gule li derdora sivîlan reşandin, mal û milkên wan xerab kirin û tirs xistin dilê jin û dayîkan.

Ciwan Îso li ser mijarê got:

"Niha malbatên ku vegeriyane di rewşeke gelekî xirab de ne.

Hinek di malên xwe de asê mane û nikarin derkevin, hinek jî li rêyên ewle digerin da ku careke din ji bajêr birevin."

40 malbat neçar man vegerin

Li gorî agahiyên ku Îso parve kirin, ji ber neasayîbûna rewşa ewlehiyê, heta niha nêzîkî 40 malbatên ku di karwanê yekem de çûbûn Serê Kaniyê, neçar mane ji bajêr derkevin.

Ew malbat vegeriyan Qamişlo, Hisîça û kampên derdorê ku ev yek nîşan dide plana vegerê bi metirsiyên mezin re rû bi rû ye.

Ciwan Îso bi tundî rexne li hikûmeta Sûriyeyê û "Tîma Serokatiyê" girtin û destnîşan kir ku wan li gorî peymana 29ê Kanûna Paşîn garantî dabûn ku dê veger ewle be lê belê saziyên ewlehiyê yên hikûmetê nikarî kesên ku vedigerin biparêzin û rê li ber komên çekdar bigirin.

Îso pirsî, "Gelo ev saziyên ku xwe berpirsyar dibînin, çima li hember van êrişan bêdeng man û nekarîn sivîlan biparêzin?"

Guherîna demografiyê

Di hevpeyvînê de hat destnîşankirin ku pirsgirêka sereke ya li Serê Kaniyê hebûna kesên "niştecih" e ku ji herêmên din ên wekî Îraq, Reqa, Dêrezor, Hema û Humisê li wir hatine bicihkirin.

Ev kom naxwazin xelkê resen ê Kurd vegere malên xwe û bi her awayî gefan li wan dixwin.

Xwestekên Komîteyê

Komîteya Koçberên Serê Kaniyê xwestekên xwe wiha rêz kirin:

·         Lêpirsîneke serbixwe û zelal a li ser êrişên karwanê yekem.

·         Girtin û cezakirina kesên ku êrişî sivîlan kirine.

·         Dabînkirina garantiyên ewlehî û yasayî yên navneteweyî û navxweyî.

·         Bidawîanîna siyaseta "niştecihkirinê" û guherîna demografiya herêmê.

Ciwan Îso di dawiya axaftina xwe de tekez kir ku rawestandina karwanên nayê wateya bipaşvekişandina ji mafê vegerê.

Wî got ku ev biryar wekî berpirsyariyekê ji bo parastina canê koçberan hatiye girtin heta ku mercên ewle bên dabînkirin.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên