کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Gerîlayên ku çekên xwe dişewitînin / Wêne: Arşîv

Gerîlayên ku çekên xwe dişewitînin / Wêne: Arşîv

Kurdistan

Gelo dê çi bi çekên ku PKK radestî Tirkiyeyê bike were?

Maseya Edîtoran

Maseya Edîtoran

20-08-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran20-08-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Çekên ku PKKyê ya ku xwe fesix kiriye dê radest bike, dê ji bo Wezareta Parastinê ya Tirkiyeyê werin veguhastin.

Tê plankirin ku çekên li gorî pîvanên NATOyê yên guncav bixin nav çekên Hêzên Çekdar ên Tirkiyeyê (TSK) û yên ne guncav jî werin veguhertin. Çekên mayî jî dê werin firotin an jî guherandin.

Li ser bikaranîna çekên ku PKK dê radestî Tirkiyeyê bike planek hatiye amadekirin.

Li gorî nûçeya rojnameya Yenî Şafakê, bi armanca "rêgiriya li veguhastina çekan a ji bo herêmên cuda yan jî ketina wan a destê rêxistinên din" dê sîstemeke tomar û kontrolê were avakirin.

Çek û cebilxane dê di bin çavdêriya Saziya Îsrixbaratê ya Tirkiyeyê (MÎT) de radestî Wezareta Parastinê ya Tirkiyeyê werin kirin.

Piştî vê yekê, dê lîsteya hûr û kûr a wan kel û pelên ku hatine wergirtin were derxistin.

Desteya Şopandin, Hevahengî û Bicihanînê ku di çarçoveya yasaya pêvajoyê de hatiye avakirin, dê civîna xwe ya ewil roja duşemê bike.

Deste dê xebatên tespîtkirin û piştrastkirinê yên di pêvajoya çekdanînê de bi rê ve bibe.

Li gorî nûçeyê, "hejmara çekên ku li qadê hatine radestkirin û amarên raporên sîxuriyê bidin ber hev."

Bi vê rêyê dê were diyarkirin ka çek an cebilxaneyên kêm hene yan na.

Pêvajoyên ku ji aliyê saziyên pêwendîdar ve, bi taybetî MÎT û MSByê ve tên meşandin jî dê bibin prosedureke yasayî û fermî.

Çek dê bibin 3 beş

Çekên ku hatine radestkirin, piştî lêkolîna teknîkî dê bibin 3 beş.

Di beşa yekem de dê çek û cebilxaneyên nehatine bikaranîn cih bigirin.

Çekên ku li gorî pîvanên NATOyê ne û dronên bi teknolojiya nû, piştî kontrolan dikarin tevlî envantera Hêzên Çekdar ên Tirkiyeyê werin kirin.

Li gorî agahiyên ku Yenî Şafakê belav kirine, çek û cebilxaneyên ku ji bo bikaranîna leşkerî ne guncav in lê nirxê wan ê madeya xav heye, dê werin helandin an jî veguherîn.

Tê plankirin ku malzemeyên bi dest ketine di xebatên Wezareta Jîngeh, Bajarvanî û Guherîna Avhewayê, Wezareta Çandinî û Daristanan û Wezareta Sanayî û Teknolojiyê yên Tirkiyeyê de werin bikaranîn.

Vebijêrka firotin û guherandinê

Di beşa sêyem de jî dê ew çek hebin ku "ji bo envantera leşkerî ya Tirkiyeyê ne guncav in" lê ji aliyê welatên din ve dikarin werin bikaranîn.

Li gorî nûçeyê, ev çek dikarin werin firotin an jî bi çekên di envantera welatên din de werin guherandin.

Tê pêşbînîkirin dahata ku ji firotinê bi dest dikeve ji bo Xezîneya Tirkiyeyê were veguhastin.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên