کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Pervîn Buldan li Wanê bi Dayîkên Aştiyê re civiya / Wêne: X

Pervîn Buldan li Wanê bi Dayîkên Aştiyê re civiya / Wêne: X

Kurdistan

Pervîn Buldan: Em dê di pêvajoyê de derbasî serdema gavên şênber bibin

Maseya Edîtoran

Maseya Edîtoran

23-09-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran23-09-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Endama Şandeya Îmraliyê Pervîn Buldanê li Wanê di dema serdana Dayîkên Aştiyê de got ku ew dê di rojên pêş de di pêvajoya çareseriyê de derbasî qonaxeke nû ya gavên şênber û pratîk bibin.

Buldanê her wiha da zanîn ku pêşketinên girîng di rojevê de ne.

Endama Şandeya Îmraliyê ya DEM Partiyê Pervîn Buldan li avahiya rêxistina partiya xwe ya li Wanê bi Dayîkên Aştiyê re civiya.

Di serdanê de Hevseroka DEM Partiyê ya Wanê Gulşen Kurt û gelek welatî jî amade bûn.

"Yên herî zêde mexdûr dibin dayîk û jin in"

Pervîn Buldanê di axaftina xwe de bal kişand ser rola jin û dayîkan a di têkoşîna aştiyê de.

Buldanê destnîşan kir ku herî zêde dayîkan berdêlên giran ên şer dane û got:

"Di têkoşîna aştiyê de her tim jin li pêş in, ji ber ku yên herî zêde di şer û pevçûnan de dibin mexdûr dayîk û jin in.

Eger em aştiyê dixwazin, em ji bo wê yekê dixwazin ku dilê dayîkên din neşewite û ti kes zarokên xwe nexe bin axê.

Em dizanin ku aştî ne hêsan e lê pêkanîna wê erkê me hemûyan e.

Daxwaza me ne aştiyeke jirêzê ye, em daxwaza aştiyeke birûmet dikin ku tê de maf û hiqûqa gelê Kurd bên naskirin."

"Birêz Ocalan girîngiyeke taybet dide dayîkan"

Pervîn Buldanê diyar kir ku Rêberê PKKyê Abdullah Ocalan di hemû hevdîtinan de qala keda dayîkan dike û pê de çû:

"Dayîkên me çi êşeke mezin dîtibe jî qala êşê nekir. Wan her tim parastina aştiyê kir û laçikên xwe yên spî avêtin holê.

Birêz Ocalan di her hevdîtinê de girîngiyeke taybet dide dayîkan û tekez dike ku divê têkoşîna Dayîkên Aştiyê bê tacîdarkirin.

Li cem me, li cem gelê me û li cem Birêz Ocalan jî cihê Dayîkên Aştiyê gelekî cuda ye."

"Dê gavên şênber bên avêtin"

Endama Şandeya Îmraliyê ya DEM Partiyê ji bo gavên şênber ên di pêvajoya çareseriyê de bal kişand ser rojên li pêşiya me û got:

"Di rojên pêşiya me de, bi îhtîmaleke mezin em dê derbasî serdem û pêvajoyeke wisa bibin ku gavên şênbertir û pratîk bên avêtin.

Bipêşketinên gelekî girîng dê rû bidin û bi van bipêşketinan re aştî dê şênbertir bibe.

Helbet di vir de dîsa pêwîstiya me bi têkoşîneke hevbeş heye û em dê hemû bi hev re vê yekê bi ser bixin."

Di civînê de li ser navê dayîkan, Dayîka Aştiyê Hediye Kaçakê jî axivî.

Hediye Kaçakê da zanîn ku daxwaza wan pêkanîna aştiyeke mayînde ye û wan tekez kir ku ew dê têkoşîna xwe bidomînin.

 

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên