کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Wêraniya piştî êrişeke Îranê ya li kampeke maltbatên Pêşmergeyên Rojhilatê Kurdistanê / Wêne: Arşîv

Wêraniya piştî êrişeke Îranê ya li kampeke maltbatên Pêşmergeyên Rojhilatê Kurdistanê / Wêne: Arşîv

Kurdistan

Îranê bi dronan êrişî kampa malbatên Pêşmergeyên Rojhilatê Kurdistanê kir

RÛDAW

RÛDAW

28-09-2026
Guhdarî bike
0:00
0:00
Mezinahiya Nivîsê
RÛDAW
RÛDAW28-09-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Rayedarekî bilind ê Partiya Demokrat a Kurdistana Îranê (PDK-Î) ji Rûdawê re ragihand, Artêşa Pasdaran berbanga vê sibehê bi 3 dronên Hadid-110î êrişî Kampa Azadiyê ya PDK-Îyê kiriye.

Kampa Azadiyê li nêzîkî navçeya Koyeyê ya ser bi Hewlêrê ve ye û malbatên Pêşmergeyên PDK-Îyê lê dimînin.

Kanalên Telegramê yên ku bi Artêşa Pasdaran a Îranê ve girêdayî ne êriş ragihand û vîdeoyên teqînên li Koyeyê belav kirin.

Wan kanalan îdia kir ku di êrişên bi şev de gelek dron û mûşek hatine bikaranîn.

Ev êriş, di nav kêmtirî hefteyekê de êrişa duyem e ku baregehên PDK-Îyê yên li Herêma Kurdistanê dike armanc.

"Gelek mûşek û dron derbas bûn"

Rûdawê xwest pêwendiyê bi Berdevkê PDK-Îyê re deyne lê ew ne amade bû bersivê bide.

3 niştecihên Koyeyê ji Rûdawê re piştrast kir ku êriş bi şev hatine kirin.

Kesekî ji wan ragihand ku demjimêr 02:01ê "gelek mûşek û dron di asmanê Sengeserê re derbas bûne".

Bajarokê Sengeserê li bakurrojhilatê Koyeyê û li nêzîkî sînorê Îranê yê Herêma Kurdistanê ye.

Pêşmergeyek birîndar bûbû

Pêncşema borî jî Îranê bi 3 dronan êrişî baregeheke PDK-Îyê ya li gundê Dêlêziyan ê yê navçeya Soranê ya parêzgeha Hewlêrê kiribû.

Li gorî zanyariyên ku 2 çavkaniyên ewlehiyê dane Rûdawê, di wê êrişê de Pêşmergeyek birîndar bûbû.

Rayedarekî PDK-Îyê jî ew êriş piştrast kiribû.

Zêdetirî 1000 mûşek û dron

Li gorî amarên Rûdawê, Artêşa Pasdaran û mîlîsên Îraqî yên ser bi wê ve ji 28ê Sibatê ve bi zêdetirî 1000 mûşek û dronan êrişî Herêma Kurdistanê kiriye.

Amerîka û Îsraîlê 28ê Sibatê li dijî Îranê dest bi êrişên asmanî kiribû.

Partiyên Rojhilatê Kurdistanê bi piranî xwe ji şerê di navbera Îran û Amerîka û Îsraîlê de didin alî.

Tevî vê yekê jî baregeh û cihên wan ên niştecihbûnê yên li Herêma Kurdistanê gelek caran rastî êrişan tên.

Serkirdeyên Kurd gelek caran tekez kir ku Herêma Kurdistanê ne aliyekî vî şerî ye.

Lê dîsa jî, hêzên Pêşmergeyan ên Herêma Kurdistanê û cihên sivîlan rastî êrişan tên.

Cihên rûniştinê yên berpirsên bilind ên wekî Serok û Serokwezîrê Herêma Kurdistanê jî di nav wan cihên sivîl de ne ku hatine armanckirin.

 

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên