Hewlêr (Rûdaw) - Li navçeya Cizîrê ya Şirnexê ji ber lihevnekirina li ser erd pevçûn derket û di vê pevçûnê de kesekî canê xwe ji dest da û 5 kes jî birîndar bûn.
Li Taxa Simeykê di navbera du malbatan de ji ber lihevnekirina li ser erd nîqaş derket û bi dû re nîqaş veguherî pevçûna bi dar, kevir û kêran.
Di pevçûnê de 6 kes birîndar bûn. Li ser agahdarkirinê tîmên tenduristiyê û polîs çûn cihê bûyerê.
Tîmên tenduristiyê piştî midaxeleya pêşî birîndar bi ambulansan rakirin Nexweşxaneya Dewletê ya Doktor Selahattîn Cîzrelîogluyê.
Ji ber aloziya di navbera merivên birîndaran de li derdora nexweşxaneyê tedbîrên ewlehiyê hatin standin.
Rewşa C.Ç.yê 23 salî giran bû û wî li nexweşxaneyê canê xwe ji dest da.
