کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdistan

Kevneşopiya 300 salî ya xelkê Gundikê Melê: Zêwa Mele Derwêş

Aydin Bayram

Aydin Bayram

03-10-2026
Guhdarî bike
0:00
0:00
Mezinahiya Nivîsê
Aydin Bayram
Aydin Bayram03-10-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Xelkê bajarokê Gundikê Melê yê parêzgeha Şirnexê ya Bakurê Kurdistanê wekî her sal berê xwe da Goristana Mele Derwêş.

Li goristana Gundikê Melê xelkê ji bo miriyên xwe dua kirin û Quran xwend.

Her wiha li qûntara Çiyayê Cûdiyê li ber peykerê Keştiya Pêxember Nûh nimêj hat kirin.

Ji welatiyên herêmê Meryem Erdemê got:

"Me berê xwe da vî şêxê xwe. Em ji bo wî û ji bo umeta Mihemed duayan dikin.

Xwedê me hemûyan li ber duayên qenc û salihan bixe."

Welatiya bi navê Hiznê Erdemê jî anî zimên:

"Em hatin ser ziyareta xwe, me dua kirin û Fatîhe xwendin.

Me xizm û nasên xwe dîtin. Xwedê ziyareta me qebûl bike."

Xwarina xêrê li beşdaran hat belavkirin

Piştî îbadet û merasîmên olî, beroşên mezin li ser agiran hatin danîn.

Jinan bi hev re xwarin amade kirin û wekî xêra miriyan li beşdaran hat belavkirin.

Semîha Ayazê jî li ser vê kevneşopiyê got:

"Ji vir heta Kurdistanê Xwedê xêra hemûyan mezin bike.

Em her sal tên ser gorên miriyên xwe. Em ji bo wan duayan dikin, xwarinê çêdikin, didin xelkê û dixwin."

Kevneşopiya 300 salî ya hevgirtinê

Ev çalakî ku wekî "Zêwa Mele Derwêş" tê naskirin, her sal pêncşema yekem a Çiriya Pêşîn tê lidarxistin.

Ev merasîm kevneşopiyeke kêmwêne ya bawerî û hevgirtina civakî ye ku zêdetirî 300 salan e didome.

Welatiyê bi navê Cevat Alkiş behsa demên berê kir û got:

"Tê bîra min, bav û kalên me dihatin vê derê.

Dihatin ajelên xwe serjê dikirin û goşt didan wan kesên ku nedikarîn serjê bikin.

Me bi hev re xwarin çêdikirin. Yekî bang dikir digot 'Rehmet li dê û bavên wî kesî be yê ku xwarina xwe bîne.'

Me hemûyan kevçiyên xwe ji malê dianîn û li vir xwarina xwe dixwar.

Piştî nimêja êvarê her kes diçû mala xwe."

Beşdariya ji herêmên cuda

Ne tenê xelkê bajarok û Şirnexê, ji bajar û navçeyên cuda jî gelek kes tevlî Zêwa Mele Derwêş dibin.

Mamosteyê Beşa Îlahiyatê yê Zanîngeha Şirnexê Nurullah Agitoglu anî zimên:

"Îro em bi kelecan li vê derê kom bûne. Ev civîneke me ya çandî û olî ye.

Em hemû xizm, dost û hezkiriyên hev li vir gihîştine hev.

Mirovên me ji deverên dûr jî hatine û em her sal vê civînê saz dikin."

Alimê Kurd Mele Derwêş ku di salên 1700an de ji herêma Goyan a navçeya Qilabanê hatibû Gundikê Melê û li wir wefat kiribû, piştî bi sedan salan jî xelkê Şirnexê li dora heman nirxan kom dike.

Xelkê navçeyê tekez dike ku ew dê vê mîrateya pîroz a sedsalan biparêzin û radestî nifşên paşerojê bikin.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên