کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdên ku hatine desteserkirin / Wêne: Hengaw

Kurdên ku hatine desteserkirin / Wêne: Hengaw

Kurdistan

Li Bokan û Şinoyê herî kêm 7 Kurd hatin desteserkirin

Maseya Edîtoran

Maseya Edîtoran

03-11-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran03-11-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Hêzên ewlehiyê yên Îranê di çar rojên borî de li bajarên Bokan û Şinoyê yên Rojhilatê Kurdistanê bi ser çend malan de girt û herî kêm 7 welatiyên Kurd desteser kirin ku meleyekî Sunî jî di nav wan de ye.

Desthilata Tehranê ji tirsa serhildana xwenîşandanên nû zextên xwe yên li seranserê Îranê û bi taybetî li Rojhilatê Kurdistanê zêde dike.

Ji xwenîşandanên meha Kanûna Paşîn a li seranserê welêt ve bi deh hezaran kes hatine desteserkirin û beşeke ji wan bi tohmeta "hevkariya bi Îsraîl û Amerîkayê re" tên tawanbarkirin.

Li Bokanê 4 kes hatin desteserkirin

Rêxistina Mafên Mirovan a Hengawê ragihand ku hêzên îstixbaratê yên Îranê serê sibeha îro li bajarê Bokanê 4 kes bi navên Hesen Mehmûdî, Newîd Mistefazade, Aram Wefayî û Fetah Hacîzade desteser kirine.

Di nav kesên desteserkirî de Hesen Mehmûdî meleyê Sunî ye.

Li gorî Hengawê, hêzên ewlehiyê bi dehan wesayîtên leşkerî kolanên derdora malên wan girtine û bêyî biryara dadgehê bi ser malên wan de girtiye.

Rêxistinê da zanîn ku hêzên ewlehiyê di dema desteserkirinê de dest daniye ser kel û pelên kesane yên wî meleyî.

Hengawê diyar kir ku di nava meha Çiriya Pêşîn de herî kêm 64 Kurd hatine desteserkirin ku ev hejmar ji nîvê 124 kesên li seranserê Îranê hatine girtin zêdetir e.

Pevçûnên bi çekan ên li Sîstan û Belûçistanê

Li herêmên Kurd û Belûçan çalakî û pevçûnên bi çekan ên li dijî hêzên ewlehiyê zêde bûne. Li ser vê yekê, jimara desteserkirinên li van herêman jî her ku diçe bilindtir dibe.

Doh li parêzgeha Sîstan û Belûçistanê ya li başûrê rojhilatê Îranê di encama pevçûnan de herî kêm 3 endamên hêzên ewlehiyê yên Îranê mirin.

Artêşa Pasdaran a Îranê li Şinoyê 3 kes girtin

Hengawê her wiha eşkere kir ku îstixbarata Artêşa Pasdaran a Îranê 31ê Çiriya Pêşîn û 1ê Çiriya Paşîn li bajarê Şinoyê her sê welatiyên Kurd ên bi navên Zahid Seyîdkerîmî, Sedredîn Îsmaîlzade û Komar Royan desteser kirine.

Ji ber ku rayedarên Îranê li ser sedema desteserkirinê û tohmetan ti daxuyaniyeke fermî nedaye, nayê zanîn ka ew her heft kes li kû derê tên girtin.

Li aliyê din, Tora Mafên Mirovan a Kurdistanê jî da zanîn ku li bajarên Bane û Sineyê jî çend ciwanên Kurd hatine desteserkirin.

Vê yekê dilgiraniya li ser zêdebûna girtinên bêyî biryara dadgehê û qedexekirina hevdîtina bi parêzer û malbatan re kûrtir kiriye.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên