Hewlêr (Rûdaw) - Li parêzgeha Îlamê ya Rojhilatê Kurdistanê otobusek qulibî û
12 kes mirin û 18 kes jî birîndar bûn.
Bûyer doh êvarî derdora saet 19:00an li ser rêya di navbera
Mûrmûrî û Abdananê de rû da.
Heyva Sor a Îlamê destpêkê ragihandibû ku 7 kes mirine lê
pişt re hat zanîn ku hejmara miriyan derketiye 12 kesan.
Her wiha 18 kes jî birîndar in û rewşa tenduristiyê ya hinekan
ji wan giran e.
Di otobusê de 28 kes hebûn û hemû jî karkerên şirketa
petrolê ya Dêhloranê bûn.
Li parêzgehê şîn hat ragihandin
Parêzgarê Îlamê Ehmed Keremî li seranserî parêzgehê rojek
şîn ragihand û li bajarê Abdananê jî ji bo 2 rojan şîn hat ragihandin.
Li gorî agahiyên tîmên hawarçûnê, otobus ji bo veguhastina karmendên
şirketeke herêmê hatibû veqetandin.
Piştî bûyerê jî 5 tîmên hawarçûnê ji bajarên Abdanan û
Dêhloranê ber bi cihê bûyerê ve hatin şandin da ku alîkariya birîndaran bikin.
