کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdistan

ROJAVA - Guhertina sîstema perwerdeyê: Zimanê Kurdî dê bibe derseke vebijêrkî?

Nalîn Hesen

Nalîn Hesen

29-04-2026
Guhdarî bike
0:00
0:00
Mezinahiya Nivîsê
Nalîn Hesen
Nalîn Hesen29-04-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Berdevkê Komîteya Entegrasyonê ya Serokkomariya Sûriyeyê Ehmed Hilalî ragihand ku piştî entegrasyonê dê li şûna mufredata Rêveberiya Xweser mufredata neteweyî ya Sûriyeyê were xwendin.

Hîlalî ji bo zimanê Kurdî jî got, "Kurdî dikare bibe derseke vebijêrkî."

Komîteya Serokkomariya Sûriyeyê ya ji bo pêkanîna xalên peymana 29ê Kanûna Paşîn a di navbera Hikûmeta Sûriyeyê û Hêzên Sûriyeya Demokratîk (HSD) de ji Rûdawê re qala pêvajoya entegrasyona perwerdeyê kir.

Berdevkê wê komîteyê Ehmed Hîlalî pirsên me bersivandin.

Ehmed Hîlalî ragihand ku wî û Wezîrê Perwerdeyê yê Sûriyeyê Mihemed Tirko li ser bilezkirina amadekirina navendên ezmûnan ên polên 9 û 12an gotûbêj kiriye û got:

"Li Hisîça, Qamişlo, Şedadiyê û Serê Kaniyê dê navendên ezmûnan werin vekirin û dibe ku navendên din jî li wan bên zêdekirin."

Tenê mufredata Sûriyeyê dê were xwendin

Hîlalî destnîşan kir ku piştî temamkirina pêvajoya entegrasyonê dê tenê bernameya neteweyî ya Sûriyeyê wekî mufredata fermî were pejirandin.

Ehmed Hîlalî li ser vê mijarê wiha got:

"Di dosyeya entegrasyona perwerde û fêrkirinê de pêşketineke baş heye.

Ji bo pêvajoya entegrasyonê em hewceyî saleke xwendinê ya veguhêz in.

Berê li herêmê çend programên xwendinê yên wekî yên meclisên xwecihî, programa HSDyê, programa Suryanî û ya rejîma berê hebûn.

Sala veguhêz ji bo xwendekaran derfetek e da ku derbasî programa niştimanî ya yekgirtî bibin."

Ji bo zimanê Kurdî 2 pêşniyar hene

Hîlalî li ser paşeroja zimanê Kurdî ya di sîstema nû de diyar kir ku du pêşniyarên wan hene û wiha axivî:

"Pêşniyara yekem ew e ku zimanê Kurdî di hefteyê de bibe derseke vebijêrkî.

Ev yek di çarçoveya derfetan de pêkan e û ti aliyên wê yên neyînî nînin.

Pêşniyara duyem mufredat û rêbazên xwendinê yên niştimanî yên Sûriyeyê bibe zimanê Kurdî.

Lê ev yek bi taybetî di warê bazara kar û paşeroja pîşeyî de gelek pirsgirêkan bi xwe re tîne."

Hîlalî amaje bi wê yekê jî kir ku eger programên niştimanî ji bo zimanê Kurdî bên wergerandin û wekî vebijêrkî bên pêşkêşkirin, dê pêwîstî bi avahî û dibistanên taybet hebe ku ew jî niha kêm in.

Her wiha li gorî wî, ji ber lawaziya dîtina kar di paşerojê de, dê eleqe û daxwaz li ser programên wergerandî nebe.

Hîlalî da zanîn ku ev pêşniyar ji bo Emîndariya Giştî ya Serokkomariyê hatine şandin.

Rewşa mamosteyan

Wî derbarê rewşa mamosteyan jî got, Wezareta Perwerdeyê yasaya kar û barên mamosteyan amade kiriye û ew niha li benda civîna parlamentoyê ne da ku ev mijar were gotûbêjkirin û pejirandin.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên