کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Partiyên Rojhilatê Kurdistanê / Wêne: Rûdaw

Partiyên Rojhilatê Kurdistanê / Wêne: Rûdaw

Kurdistan

Partiyên Rojhilatê Kurdistanê îdiaya Supaya Pasdaran red kir

RÛDAW

RÛDAW

18-05-2026
Guhdarî bike
0:00
0:00
Mezinahiya Nivîsê
RÛDAW
RÛDAW18-05-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Supaya Pasdaran a Komara Îslamî ya Îranê ragihand ku partiyên Rojhilatê Kurdistanê xwestiye gelek çek û teqemeniyan bibin parêzgeha Sineyê.

Supaya Pasdaran îdia kir ku wan êrişî hêzên Kurdan kiriye û dest daniye ser gelek çekan lê berpirsên partiyên Kurd vê îdiayê red dikin.

Biryargeha Hemzeyê ya Supaya Pasdaran li ser hesabê xwe yê Telegramê daxuyaniyek belav kir.

Ev biryargeh serpereştiya çalakiyên Supaya Pasdaran ên li parêzgehên Urmiye û Sineyê yên Rojhilatê Kurdistanê dike.

Biryargehê îdia kir ku hêzên Rojhilatê Kurdistanê yên li Herêma Kurdistanê dimînin xwestiye gelek çekan bibin Îranê.

Di daxuyaniyê de hat gotin, "Wan bi nûnertiya Amerîka û rejîma Siyonîst xwestiye gelek çek û teqemeniyên Amerîkayê yên nehatine bikaranîn bibin nav welêt."

‘Me dest danî ser çekan’

Biryargeha Hemzeyê destnîşan kir ku hêzên wan li parêzgeha Sineyê êrişî wan hêzan kiriye.

Her wiha hat îdiakirin ku "Hejmareke zêde ya çek û teqemeniyan hatiye dîtin û dest danîn ser wan."

Lê belê hêzên Rojhilatê Kurdistanê vê daxuyaniya Supaya Pasdaran ji binî ve red dikin.

PDKÎ: Bi qasî pêwîst çekên me hene

Endamê Navenda Birêveberiyê ya Partiya Demokrat a Kurdistana Îranê (PDKÎ) Heme Nezîf Qadirî îro li ser mijarê ji Tora Medyayî ya Rûdawê re axivî.

Heme Nezîf Qadirî got, "Ev ne cara yekem e ku îdiayên bi vî rengî tên belavkirin. Em niha jî wekî berê vê yekê red dikin."

Qadirî diyar kir ku wan ne niha û ne jî berê ji ti aliyî çek wernagirtine û pê de çû:

"Bi qasî pêwîst ji bo parastina xwe hêz û çekên me hene. Em wan hemû gotegotên ku qaşo dest danîne ser çekên me red dikin."

Komeleya Şoreşgêr: Tiştekî wisa tune ye

Di heman demê de Endamê Komîteya Navendî ya Komeleya Şoreşgêr a Kurdistanê Aram Muderisî jî îro ji Tora Medyayî ya Rûdawê re axivî.

Aram Muderisî got, "Tiştê ku Îran behs dike ku partiyên Kurdistanî xwestiye çekan bibin û wan dest daniye serê, em ji binî ve red dikin."

Muderisî destnîşan kir ku ew wê îdiaya qaşo Amerîkayê çek ji partiyên Kurd re şandine jî red dikin û got:

"Tiştê ku heye û eşkere ye ew e ku em û partiyên din ên Kurdistanî li navxweyî Rojhilatê Kurdistanê xwedî rêxistina xwe ne.

Em wê gotina ku me çek wergirtine an hewla birina çekan daye, red dikin."

Komeleya Zehmetkêşan: Dixwazin rastiyê veşêrin

Li aliyê din, Endamê Serkirdayetiya Komeleya Zehmetkêşên Kurdistanê Emced Husên Penahî jî ji Tora Medyayî ya Rûdawê re axivî.

Emced Husên Penahî daxuyand, "Em vê gotegotê red dikin û ti bingeha wê nîne."

Penahî li ser armanca van daxuyaniyan jî got, "Tiştê ku Supaya Pasdaran dibêje ne rast e.

Ew dixwazin bi van propagandayên xwe wê rastiyê veşêrin ku wan Rojhilatê Kurdistanê kiriye leşkergeh."

 

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên