کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdistan

Mîkaîl Bulbul: Nabe ku her kes li gorî eşîra xwe û pîrika xwe peyvan binivîse

RÛDAW

RÛDAW

19-05-2026
Guhdarî bike
0:00
0:00
Mezinahiya Nivîsê
RÛDAW
RÛDAW19-05-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Amed (Rûdaw) - Weqfa Mezopotamyayê "Ferhenga Rastnivîsînê" ya ji bo Kurdiya Kurmancî çap kir.

Ev xebata ku cara yekem e bi vî rengî li Bakurê Kurdistanê tê kirin, ji bo standardkirina zimanê Kurdî gaveke dîrokî tê dîtin.

Koordînatorê Weqfa Mezopotamyayê Mîkaîl Bulbul pirsên nûçegihanê Rûdawê Maşallah Dekak ên li ser girîngiya berhemê bersivandin.

Mîkaîl Bulbul diyar kir ku yekemînbûna vê ferhengê ji aliyê kolektîfbûn û qebareya wê ve ye û got:

"Yekemînbûna wê ev e; ji aliyê kolektîfbûnê û qebareya xwe ve, naveroka xwe ve xebateke dîrokî ye.

Jixwe Celadet Bedirxan alfabeyek ji Kurdan re çêkiribû û ji bo bingeha zimanê Kurdî anîbû ango ji bo nivîsînê.

Lê ferhengên rastnivîsînê kêm bûn ji bo Kurdiya Kurmancî ku ziman standardîze bibe û rêberên rastnivîsînê kêm bûn."

Xebateke kolektîf a 25 zimannasan

Mîkaîl Bulbul anî ziman ku ew 8 salan li ser vê xebatê xebitîne û zêdetirî 20-25 zimannasên ji her çar parçeyên Kurdistanê beşdar bûne û anî ziman:

"Em 20-25 kes zimannas ji Rojava û Başûr û dîsa Bakur û Rojhilatê Kurdistanê bûn.

Me li ser her peyvê biryar da û ji nêzîkî 60 herêmên Kurdistanê me peyv berhev kirin, varyantên peyvan me berhev kirin û bi vî awayî me yek ji wan varyantan hilbijart ji bo Kurdiya nivîskî."

Ji bo zimanê medyayê û dibistanan standardî

Bulbul bal kişand ser hewcedariya standardkirina ziman û da zanîn ku nabe her kes li gorî gund an eşîra xwe binivîse û got:

"Niha wekî mînak mesela bi Kurmancî, nabe ku her kes li gorî eşîra xwe, li gorî gundê xwe, li gorî pîrika xwe peyvan binivîse.

Lazim e standard peyda bibin. Îcar wekî mînak me di vê xebatê de çi kir, hemû serxal û binxal hene.

Lazim e mirov ji bo zimanê medyayê, ji bo zimanê dibistanan, ji bo zimanê rojnameyan yekê qebûl bike ku zimanekî hevbeş çêbibe."

Di vê ferhengê de 10 hezar û 230 peyvên bingehîn hene û bi varyantên xwe ve ev hejmar digihêje 60 hezarî.

Bulbul wekî mînak peyvên "hosta" û "kîvroşk" nîşan dan û got ku wan ji bo her peyvê formeke standard hilbijartî ye.

Gihîştina bi rêya dîjîtal: ferhengkurdi.com

Koordînatorê Weqfa Mezopotamyayê eşkere kir ku her kes dikare li ser înternetê xwe bigihîne vê berhemê û ragihand:

"Her kes li kîjan dera dinyayê be, dixwaze lêkolînekê bi vî awayî bike yanî standarta peyvekê hîn bibe, dê lêgerînê bike wê peyvê binivîse hem a devokî dê derdikeve hem jî standarta wê ya pêşniyarkirî derdikeve."

Mîkaîl Bulbul di dawiyê de teqez kir ku ev ferheng ji bo rojnameger û nivîskaran çavkaniyeke gelekî girîng e.

Ferhenga Rastnivîsînê: https://www.ferhengkurdi.com/

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên