کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Saruhan Oluç / Wêne: Ji ber dîmenan, Rûdaw

Saruhan Oluç / Wêne: Ji ber dîmenan, Rûdaw

TIRKIYE

Saruhan Oluç: Em dixwazin beriya betlaneya Parlamentoyê yasa derkeve

RÛDAW

RÛDAW

13-06-2026
Guhdarî bike
0:00
0:00
Mezinahiya Nivîsê
RÛDAW
RÛDAW13-06-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Saruhan Oluç “Konferansa di Sedsala Duyemîn de Veguherîna Demokratîk a Komarê” bû û pirsên Rûdawê bersivandin.

Parlamenterê DEM Partiyê yê Antalyayê û Endamê Komîsyona Parlamentoya Tirkiyeyê Saruhan Oluç li ser "yasaya bingehîn" a ku ji bo çareserkirina Pirsgirêka Kurdan li ser tê xebitîn û bipêşketinên dawî yên siyasî daxuyaniyên girîng da.

DEM Partî li Stenbolê “Konferansa di Sedsala Duyemîn de Veguherîna Demokratîk a Komarê” li dar dixe.

Oluç diyar kir ku hîn derbarê yasaya çareseriyê reşnivîseke fermî ji aliyê desthilatê ve ji wan re nehatiye pêşkêşkirin lê amadehiyên wan didomin û got:

"Me amadehiyên xwe helbet bi Birêz Ocalan re parve kirin.

Me pêşniyar û nirxandinên wî wergirtin.

Amadehiyên wî yên gelekî girîng hebûn."

"Me bi AK Partiyê re hevdîtin kir, em dê bi partiyên din re jî bicivin"

Oluç destnîşan kir, ji bo ku pêvajo bi awayekî zelal bi rê ve biçe ew bi partiyên siyasî re pêwendiyê datînin û li pey çû:

"Li gel van amadehiyan niha em di gera hevdîtinan de ne.

Me bi AK Partiyê re hevdîtin kir, em dê bi partiyên din re jî bicivin.

Di van hevdîtinan de em hem nirxandinên Birêz Ocalan hem jî yên xwe parve dikin.

Em nêrînên xwe yên li ser çarçove û naveroka yasayê radigihînin. Heta niha pêşhevdîtin baş diçin.

Her çend hinek xalên bi pirsgirêk hebin jî em dê gotûbêjkirina wan bidomînin.

Eger di navbera partiyan de lihevkirineke pêşîn çêbibe, pêvajoya li Parlamentoyê dikare gelekî leztir û hêsantir bi rê ve biçe."

"Operasyonên li dijî CHPyê bandoreke neyînî li pêvajoyê dikin"

Saruhan Oluç bal kişand ser midaxele û operasyonên dawî yên li dijî mixalefeta sereke CHPyê û eşkere kir ku ev yek avhewaya siyasî xera dike û da zanîn:

"Ev bipêşketin gelekî neyînî ne û bandorê li pêvajoyê dikin.

Ji bo demokratîkbûn û hiqûqê pirsgirêkên mezin derdixe lê em nikarin ji ber van bipêşketinan derxistina yasayê bi paş bixin.

Berovajî vê, em wisa difikirin ku ev yasa dê di warê demokratîkbûnê de li Tirkiyeyê rêyeke nû veke û hem di warê hiqûqê de hem jî di warê siyasetê de aramiyekê çêbike."

"Em dixwazin beriya betlaneyê yasa derkeve"

Oluç diyar kir ku di beşa şeşem a rapora hevpar a Komîsyona Parlamentoyê de jixwe li ser pêdiviya yasayê lihevkirinek heye û axaftina xwe wiha qedand:

"Niha em di qonaxa nivîsandina madeyan de ne.

Helbet pêdivî bi nîqaşên nû heye lê ez li ser vê mijarê ne bêhêvî me.

Em ji bo ku beriya Parlamento bikeve betlaneya havînê ev yasa derkeve çi ji destê me tê dikin."

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên