کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Ayşegul Dogan / Wêne: Rûdaw

Ayşegul Dogan / Wêne: Rûdaw

TIRKIYE

Konferansa Komara Demokratîk: 'Kurd dixwazin wekî xwe bên qebûlkirin'

Omer Sonmez

Omer Sonmez

13-06-2026
Guhdarî bike
0:00
0:00
Mezinahiya Nivîsê
Omer Sonmez
Omer Sonmez13-06-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Stenbol (Rûdaw) - Li bajarê Stenbolê bi pêşengiya DEM Partiyê “Konferansa di Sedsaliya Duyemîn de Veguherîna Komara Demokratîk” tê lidarxistin.

Li Tirkiyeyê li ser destpêkirina pêvajoya aştî û çareseriyê sal û nîvek derbas bû.

Lê belê hêj jî yasaya çarçoveyî ya aştiyê nehatiye amadekirin û gavên pêwîst nehatine avêtin.

Ji bo ku dewlet û desthilata AK Partiyê berpirsyariya xwe bînin cih û Tirkiye ber bi demokratîkbûnê ve biçe, konferansek tê lidarxistin.

Navê vê konferansê “Konferansa di Sedsaliya Duyemîn de Veguherîna Komara Demokratîk” e û li Stenbolê bi rê ve diçe.

"Kurd dixwazin wekî xwe bên qebûlkirin"

Berdevka DEM Partiyê Ayşegul Doganê di konferansê de axivî û got:

“Ev komar bi vî awayî û bi vê pergalê nikare pirsgirêkên xwe çareser bike. Îro li ser rûyê cîhanê 60 milyon Kurd hene.

Kurd li kû derê dijîn bila bijîn, ew êdî dixwazin li ser xwezaya xwe û wekî xwe bên qebûlkirin.”

Parlamenterê DEM Partiyê û Endamê Komîsyona Çareseriyê Saruhan Oluç jî rewşa pêvajoyê nirxand û diyar kir:

“Derbarê yasaya çareseriyê de heta niha bi fermî ji aliyê desthilatê ve reşnivîsek ji me re nehatiye pêşkêşkirin.

Me amadehiyên xwe kirine û helbet me bi Birêz Ocalan re jî parve kirine.

Eger di navbera partiya desthilat û partiyên mixalefetê de lihevkirineke pêşîn çêbibe, pêvajoya li Parlamentoyê dikare gelekî leztir û hêsantir bi rê ve biçe."

Banga 29 nivîskar û rewşenbîran

Konferans bi pêşengiya DEM Partiyê û bi banga 29 nivîskar, rewşenbîr û siyasetmedarên Kurd û Tirkan pêk tê.

Ev bername 13 û 14ê Hezîranê li Navenda Çandê ya Cem Karacayê tê lidarxistin.

Sernavê rûniştinan ê sereke jî “Di Sedsaliya Duyemîn de Paşerojeke Hevpar” e.

"Pêvajo ne xitimiye, didome"

Li gorî berpirs û siyasetmedarên Kurd, pêvajo ne xitimiye û didome.

Lê belê baweriya gel her ku diçe ji pêvajoyê kêm dibe.

Siyasetmedarê Kurd Ahmet Turk li ser vê rewşê got:

“Rast e, em nabêjin pêvajo xitimiye lê sebra milet jî zêde nemaye.

Em dixwazin bizanibin gelo ji bo paşerojê niyeta wan çi ye, dixwazin çi bikin?

Pêwîst e em jî agahdar bin lê heta îro me tiştekî erênî nedîtiye."

Endama Sekreteryaya Înîsiyatîfa Yekîtiya Demokratîk Dîba Keskînê jî anî zimên:

“Ev komar li ser nirxên demokratîk nehatiye avakirin. Hişmendiyeke ku li ser neteweyekê hatibe avakirin, heke nav cuda be jî helbet guherandina wê zehmet e.”

Peyamên Ozel û Davutoglu

Konferans rastî eleqeyeke mezin tê û bi beşdariya 600 kesan tê lidarxistin.

Axaftinên destpêkê ji aliyê siyasetmedara Kurd Gulten Kişanakê û dadgerê berê yê Dadgeha Mafên Mirovan a Ewropayê Riza Turmen ve hatin kirin.

Serokê PENa Navneteweyî û nivîskarê Kurd Burhan Sonmez jî ji Londonê bi peyameke vîdeoyî beşdarî konferansê bû.

Hevserokên Giştî yên DEM Partiyê Tulay Hatîmogullari û Tuncer Bakirhan jî di konferansê de amade bûn.

Lê li şûna ku axaftinekê pêşkêş bikin, peyama wan a hevpar di konferansê de hate xwendin.

Her wiha Serokê CHPyê Ozgur Ozel û Serokê Partiya Paşerojê Ahmet Davutoglu jî peyam ji konferansê re şandin.

Nivîskar, rewşenbîr û akademîsyenên wekî Ebbas Valî, Vahap Coşkun, Cuma Çîçek, Mesut Yegen, Alî Bayramoglu, Pakrat Estukyan, Dogu Ergil, Ferhat Kentel, Bekir Agirdir, Yuksel Genç û Fatma Bostan Unsal jî di rûniştinên cuda de gotaran pêşkêş dikin.

Pirsa sereke: Dê Kurd mafên xwe bistînin?

Komara Tirkiyeyê ya ku sala 1923yan hatiye damezirandin, niha 103 salî ye. Lê di sedsaliya duyemîn a komarê de niha pirs ev e:

Gelo dê Komara Tirkiyeyê bi pêvajoya aştî û çareseriyê bibe komareke demokratîk û hemû mafên bingehîn ên Kurdan bide an na?

Pirsa pêvajoyê bi piranî li dora vê mijarê dizivire. Ji ber vê yekê jî bang tê kirin ku dewlet û desthilata heyî berpirsyariya xwe bînin cih û Tirkiye ber bi demokratîkbûnê ve biçe.

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên