Hewlêr (Rûdaw) - 11 dosyayên parêzbendiyê yên Serokkomariya Tirkiyeyê yên li ser rakirina parêzbendiya 10 parlamenteran, pêşkêşî Serokatiya Parlamentoya Tirkiyeyê hat kirin.
Serokatiya Parlamentoya Tirkiyeyê ev dosye ji Komîsyona Têkel re şandin.
Ev komîsyon, ji endamên Komîsyona Destûra Bingehîn û Dadê pêk tê.
Piraniya wan ji CHPyê ne
Di nava dosyeyên ku ji komîsyonê re hatine şandin de, navên van 10 parlamenteran hene:
· Parlamenterê CHPyê yê Mêrsînê Alî Mahîr Başarir
· Parlamenterê CHPyê yê Amedê Mustafa Sezgîn Tanrikulu
· Parlamenterê CHPyê yê Stenbolê Namik Tan
· Parlamenterê CHPyê yê Rihayê Mahmut Tanal
· Parlamentera CHPyê ya Manîsayê Selma Aliye Kavaf
· Parlamenterê CHPyê yê Kocaeliyê Harun Ozgur Yildizli
· Parlamenterê CHPyê yê Rîzeyê Tahsîn Ocakli
· Parlamenterê CHPyê yê Dîlokê Hasan Ozturkmen
· Parlamenterê ÎYÎ Partiyê yê Kocaeliyê Lutfu Turkkan
· Parlamenterê serbixwe yê Stenbolê Selîm Temurcî
Li ser Parlamenterê CHPyê yê Rihayê Mahmut Tanal 2 dosyeyên cuda hene.
Ji ber vê yekê, hejmara giştî ya dosyeyên ku ji Komîsyona Têkel re hatine şandin gihîşt 11an.
