کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

TIRKIYE

Opearsyona li dijî Şaredariya Çankayayê ya CHPyê: 'Dixwazin kelecana xelkê bişikînin'

Şewket Herkî

Şewket Herkî

13-07-2026
Guhdarî bike
0:00
0:00
Mezinahiya Nivîsê

Peyamnêr û rêveberê ofîsa Tora Medyayî ya Rûdawê li Enqerê ye.
Ji Îlona 2013an ve li Tora Medyayî ya Rûdawê kar dike. 

 
Şewket Herkî
Şewket Herkî13-07-2026

Peyamnêr û rêveberê ofîsa Tora Medyayî ya Rûdawê li Enqerê ye.
Ji Îlona 2013an ve li Tora Medyayî ya Rûdawê kar dike. 

 

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Enqere (Rûdaw) - Li Enqereya paytexta Tirkiyeyê polîsan li dijî Şaredariya Çankayayê operasyoneke berfireh da destpêkirin.

Tîmên Şaxa Têkoşîna li dijî Sûcên Aborî ketin avahiya şaredariyê û li gelek beş û ofîsan dest bi lêgerînê kir.

Heta niha Serokê Şaredariyê jî di nav de 27 kes hatine desteserkirin.

Serdozgeriya Enqereyê derbarê operasyonê de diyar kir ku lêpirsîn li dijî gendeliyê û di çarçoveya qanûnê de birêve diçe.

CHPyê jî îdia kir ku ev operasyon destwerdaneke siyasî ye li dijî birêvebiriya şaredariyê ya ku bi hilbijartinê hatiye destnîşankirin.

Ji bo 36 kesan biryara girtinê hat dayîn

Li Enqereyê tîmên Şaxa Têkoşîna li dijî Sûcên Aborî ketin avahiya Şaredariya Navçeya Çankayayê.

Ev navçe navçeya sêyemîn a herî mezin a Tirkiyeyê ye û hejmara şêniyên wê digihîje milyonekî.

Serdozgeriya Komarê ya Enqereyê, Serokê Şaredariyê Husên Can Guner jî di nav de, ji bo 36 kesan bi tawanên "avakirin û endamtiya rêxistina sûcê", "wergirtin û dayîna bertîlê" û "sextekariya îhaleyan" biryara girtinê da.

Parlamenterê CHPyê Cemal Engînyurt li ser mijarê bertek nîşan da û got, "Êdî baweriya xelkê me bi van operasyonan nîne.

Xelk li dijî binpêkirina îradeya xwe derdikeve kolanan û ev yek jî dibe sedem ku xewa Serokkomar bireve.

Ew dixwaze kelecan û berxwedana vî gelî bişikîne. Loma jî girtin û desteserkirinên bêqanûnî û bêhiqûqî dikin."

Alîgirên CHPyê li pêşiya şaredariyê civiyan

Piştî operasyonê li ber Şaredariya Çankayayê jî liv û tevger zêde bû.

Li ser banga Rêxistina CHPyê ya Parêzgeha Enqereyê, gelek endam û alîgirên CHPyê li ber şaredariyê civiyan.

Karmend û piştgirên şaredariyê bi sloganan li dijî operasyonê derketin.

Endama Konseya Bajêr Hale Gundogdu ku bi ser şaredariyê ve ye got:

"Hûn dizanin ku Çankaya yek ji şaredariyên herî mezin ên Tirkiyeyê ye.

Girtina Serokê Şaredariya Çankayayê karekî nerewa ye. Em li dû heq, hiqûq û edaletê digerin."

Endamê Konseya Bajêr a Enqereyê Cemîl Arikan jî destnîşan kir ku ev operasyon siyasî ye û got:

"Her kes dizane ku operasyon siyasî ye. Eger dixwazin diz û tawanbaran peyda bikin, bila destpêkê Melîh Gokçek bigirin û darizînin. Yê ku Enqere wêran kiriye Melîh Gokçek e."

Alîgirê CHPyê Sedat Terzîoglu jî li ser operasyonê wiha axivî:

"Armanca wan ew e ku aloziyên mezintir têxin nava CHPyê. Ji bo vê jî kesên wekî (Kemal) Kiliçdaroglu bi kar tînin.

Ev şermeke mezin e. Niha jî êrişî şaredariyan dikin. Bila destpêkê Melîh Gokçek bê darizandin.

Heta ku ew neyê darizandin nikarin vê mijarê safî bikin."

Krîza di navbera hikûmet û mixalefetê de kûr dibe

Operasyona li dijî Şaredariya Çankayayê bûye yek ji mijarên herî girîng ên siyaseta Tirkiyeyê.

Di navbera hikûmet û mixalefetê de daxuyaniyên li dijî hev didomin û hemû çav li ser encama lêpirsînê ne.

Serdozgeriya Enqereyê jî tekez dike ku lêpirsîn di çarçoveya qanûnê de bi rê ve diçe.

 

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên